UtshovDoha 104
104.1
Chaupai
तुरत भवन आए गिरिराई। सकल सैल सर लिए बोलाई।।
आदर दान बिनय बहुमाना। सब कर बिदा कीन्ह हिमवाना।।
जबहिं संभु कैलासहिं आए। सुर सब निज निज लोक सिधाए।।
जगत मातु पितु संभु भवानी। तेही सिंगारु न कहउँ बखानी।।
करहिं बिबिध बिधि भोग बिलासा। गनन्ह समेत बसहिं कैलासा।।
हर गिरिजा बिहार नित नयऊ। एहि बिधि बिपुल काल चलि गयऊ।।
तब जनमेउ षटबदन कुमारा। तारकु असुर समर जेहिं मारा।।
आगम निगम प्रसिद्ध पुराना। षन्मुख जन्मु सकल जग जाना।।
Turat bhavan ae girirai, sakal sail sar lie bolai
Adar dan binay bahumana, sab kar bida kinha himavana
Jabahin sambhu kailasahin ae, sur sab nij nij lok sidhae
Jagat matu pitu sambhu bhavani, tehi singaru na kahaum bakhani
Karahin bibidh bidhi bhog bilasa, gananha samet basahin kailasa
Har girija bihar nit nayau, ehi bidhi bipul kal chali gayau
Tab janameu shatabadan kumara, taraku asur samar jehin mara
Agam nigam prasiddha purana, shanmukh janmu sakal jag jana
104.2
Chhand
जगु जान षन्मुख जन्मु कर्मु प्रतापु पुरुषारथु महा।
तेहि हेतु मैं बृषकेतु सुत कर चरित संछेपहिं कहा।।
यह उमा संगु बिबाहु जे नर नारि कहहिं जे गावहीं।
कल्यान काज बिबाह मंगल सर्बदा सुखु पावहीं।।
Jagu jan shanmukh janmu karmu pratapu purusharathu maha
Tehi hetu main brishaketu sut kar charit sanchhepahin kaha
Yah uma sangu bibahu je nar nari kahahin je gavahin
Kalyan kaj bibah mangal sarbada sukhu pavahin
104.3
Doha/soratha
चरित सिंधु गिरिजा रमन बेद न पावहिं पारु।
बरनै तुलसीदासु किमि अति मतिमंद गवाँरु ॥103॥
Charit sindhu girija raman bed na pavahin paru
Baranai tulasidasu kimi ati matimand gavanru