UtshovChapter 63
63.1
संजय उवाच
वृषसेनं हतं दृष्ट्वा शोकामर्षसमन्वितः
मुक्त्वा शोकोद्भवं वारि नेत्राभ्यां सहसा वृषः
Sanjaya uvacha
Vrishasenam hatam drishtva shokamarshasamanvitah
Muktva shokodbhavam vari netrabhyam sahasa vrishah
63.2
रथेन कर्णस्तेजस्वी जगामाभिमुखो रिपून्
युद्धायामर्षताम्राक्षः समाहूय धनंजयम्
Rathena karnastejasvi jagamabhimukho ripun
Yuddhayamarshatamrakshah samahuya dhananjayam
63.3
तौ रथौ सूर्यसंकाशौ वैयाघ्रपरिवारणौ
समेतौ ददृशुस्तत्र द्वाविवार्कौ समागतौ
Tau rathau suryasankashau vaiyaghraparivaranau
Sametau dadrishustatra dvavivarkau samagatau
63.4
श्वेताश्वौ पुरुषादित्यावास्थितावरिमर्दनौ
शुशुभाते महात्मानौ चन्द्रादित्यौ यथा दिवि
Shvetashvau purushadityavasthitavarimardanau
Shushubhate mahatmanau chandradityau yatha divi
63.5
तौ दृष्ट्वा विस्मयं जग्मुः सर्वभूतानि मारिष
त्रैलोक्यविजये यत्ताविन्द्रवैरोचनाविव
Tau drishtva vismayam jagmuh sarvabhutani marisha
Trailokyavijaye yattavindravairochanaviva
63.6
रथज्यातलनिर्ह्रादैर्बाणशङ्खरवैरपि
तौ रथावभिधावन्तौ समालोक्य महीक्षिताम्
Rathajyatalanirhradairbanashankharavairapi
Tau rathavabhidhavantau samalokya mahikshitam
63.7
ध्वजौ च दृष्ट्वा संसक्तौ विस्मयः समपद्यत
हस्तिकक्ष्यां च कर्णस्य वानरं च किरीटिनः
Dhvajau cha drishtva sansaktau vismayah samapadyata
Hastikakshyam cha karnasya vanaram cha kiritinah
63.8
तौ रथौ संप्रसक्तौ च दृष्ट्वा भारत पार्थिवाः
सिंहनादरवांश्चक्रुः साधुवादांश्च पुष्कलान्
Tau rathau samprasaktau cha drishtva bharata parthivah
Sinhanadaravanshchakruh sadhuvadanshcha pushkalan
63.9
श्रुत्वा तु द्वैरथं ताभ्यां तत्र योधाः समन्ततः
चक्रुर्बाहुवलं चैव तथा चेलवलं महत्
Shrutva tu dvairatham tabhyam tatra yodhah samantatah
Chakrurbahuvalam chaiva tatha chelavalam mahat
63.10
आजग्मुः कुरवस्तत्र वादित्रानुगतास्तदा
कर्णं प्रहर्षयन्तश्च शङ्खान्दध्मुश्च पुष्कलान्
Ajagmuh kuravastatra vaditranugatastada
Karnam praharshayantashcha shankhandadhmushcha pushkalan
63.11
तथैव पाण्डवाः सर्वे हर्षयन्तो धनंजयम्
तूर्यशङ्खनिनादेन दिशः सर्वा व्यनादयन्
Tathaiva pandavah sarve harshayanto dhananjayam
Turyashankhaninadena dishah sarva vyanadayan
63.12
क्ष्वेडितास्फोटितोत्क्रुष्टैस्तुमुलं सर्वतोऽभवत्
बाहुघोषाश्च वीराणां कर्णार्जुनसमागमे
Kshveditasphotitotkrushtaistumulam sarvatobhavat
Bahughoshashcha viranam karnarjunasamagame
63.13
तौ दृष्ट्वा पुरुषव्याघ्रौ रथस्थौ रथिनां वरौ
प्रगृहीतमहाचापौ शरशक्तिगदायुधौ
Tau drishtva purushavyaghrau rathasthau rathinam varau
Pragrihitamahachapau sharashaktigadayudhau
63.14
वर्मिणौ बद्धनिस्त्रिंशौ श्वेताश्वौ शङ्खशोभिनौ
तूणीरवरसंपन्नौ द्वावपि स्म सुदर्शनौ
Varminau baddhanistrinshau shvetashvau shankhashobhinau
Tuniravarasampannau dvavapi sma sudarshanau
63.15
रक्तचन्दनदिग्धाङ्गौ समदौ वृषभाविव
आशीविषसमप्रख्यौ यमकालान्तकोपमौ
Raktachandanadigdhangau samadau vrishabhaviva
Ashivishasamaprakhyau yamakalantakopamau
63.16
इन्द्रवृत्राविव क्रुद्धौ सूर्याचन्द्रमसप्रभौ
महाग्रहाविव क्रूरौ युगान्ते समुपस्थितौ
Indravritraviva kruddhau suryachandramasaprabhau
Mahagrahaviva krurau yugante samupasthitau
63.17
देवगर्भौ देवसमौ देवतुल्यौ च रूपतः
समेतौ पुरुषव्याघ्रौ प्रेक्ष्य कर्णधनंजयौ
Devagarbhau devasamau devatulyau cha rupatah
Sametau purushavyaghrau prekshya karnadhananjayau
63.18
उभौ वरायुधधरावुभौ रणकृतश्रमौ
उभौ च बाहुशब्देन नादयन्तौ नभस्तलम्
Ubhau varayudhadharavubhau ranakritashramau
Ubhau cha bahushabdena nadayantau nabhastalam
63.19
उभौ विश्रुतकर्माणौ पौरुषेण बलेन च
उभौ च सदृशौ युद्धे शम्बरामरराजयोः
Ubhau vishrutakarmanau paurushena balena cha
Ubhau cha sadrishau yuddhe shambaramararajayoh
63.20
कार्तवीर्यसमौ युद्धे तथा दाशरथेः समौ
विष्णुवीर्यसमौ वीर्ये तथा भवसमौ युधि
Kartaviryasamau yuddhe tatha dasharatheh samau
Vishnuviryasamau virye tatha bhavasamau yudhi
63.21
उभौ श्वेतहयौ राजन्रथप्रवरवाहिनौ
सारथी प्रवरौ चैव तयोरास्तां महाबलौ
Ubhau shvetahayau rajanrathapravaravahinau
Sarathi pravarau chaiva tayorastam mahabalau
63.22
तौ तु दृष्ट्वा महाराज राजमानौ महारथौ
सिद्धचारणसंघानां विस्मयः समपद्यत
Tau tu drishtva maharaja rajamanau maharathau
Siddhacharanasanghanam vismayah samapadyata
63.23
धार्तराष्ट्रास्ततः कर्णं सबला भरतर्षभ
परिवव्रुर्महात्मानं क्षिप्रमाहवशोभिनम्
Dhartarashtrastatah karnam sabala bharatarshabha
Parivavrurmahatmanam kshipramahavashobhinam
63.24
तथैव पाण्डवा हृष्टा धृष्टद्युम्नपुरोगमाः
परिवव्रुर्महात्मानं पार्थमप्रतिमं युधि
Tathaiva pandava hrishta dhrishtadyumnapurogamah
Parivavrurmahatmanam parthamapratimam yudhi
63.25
तावकानां रणे कर्णो ग्लह आसीद्विशां पते
तथैव पाण्डवेयानां ग्लहः पार्थोऽभवद्युधि
Tavakanam rane karno glaha asidvisham pate
Tathaiva pandaveyanam glahah parthobhavadyudhi
63.26
त एव सभ्यास्तत्रासन्प्रेक्षकाश्चाभवन्स्म ते
तत्रैषां ग्लहमानानां ध्रुवौ जयपराजयौ
Ta eva sabhyastatrasanprekshakashchabhavansma te
Tatraisham glahamananam dhruvau jayaparajayau
63.27
ताभ्यां द्यूतं समायत्तं विजयायेतराय वा
अस्माकं पाण्डवानां च स्थितानां रणमूर्धनि
Tabhyam dyutam samayattam vijayayetaraya va
Asmakam pandavanam cha sthitanam ranamurdhani
63.28
तौ तु स्थितौ महाराज समरे युद्धशालिनौ
अन्योन्यं प्रतिसंरब्धावन्योन्यस्य जयैषिणौ
Tau tu sthitau maharaja samare yuddhashalinau
Anyonyam pratisanrabdhavanyonyasya jayaishinau
63.29
तावुभौ प्रजिहीर्षेतामिन्द्रवृत्राविवाभितः
भीमरूपधरावास्तां महाधूमाविव ग्रहौ
Tavubhau prajihirshetamindravritravivabhitah
Bhimarupadharavastam mahadhumaviva grahau
63.30
ततोऽन्तरिक्षे साक्षेपा विवादा भरतर्षभ
मिथो भेदाश्च भूतानामासन्कर्णार्जुनान्तरे
व्याश्रयन्त दिशो भिन्नाः सर्वलोकाश्च मारिष
Tatontarikshe sakshepa vivada bharatarshabha
Mitho bhedashcha bhutanamasankarnarjunantare
Vyashrayanta disho bhinnah sarvalokashcha marisha
63.31
देवदानवगन्धर्वाः पिशाचोरगराक्षसाः
प्रतिपक्षग्रहं चक्रुः कर्णार्जुनसमागमे
Devadanavagandharvah pishachoragarakshasah
Pratipakshagraham chakruh karnarjunasamagame
63.32
द्यौरासीत्कर्णतो व्यग्रा सनक्षत्रा विशां पते
भूमिर्विशाला पार्थस्य माता पुत्रस्य भारत
Dyaurasitkarnato vyagra sanakshatra visham pate
Bhumirvishala parthasya mata putrasya bharata
63.33
सरितः सागराश्चैव गिरयश्च नरोत्तम
वृक्षाश्चौषधयस्तत्र व्याश्रयन्त किरीटिनम्
Saritah sagarashchaiva girayashcha narottama
Vrikshashchaushadhayastatra vyashrayanta kiritinam
63.34
असुरा यातुधानाश्च गुह्यकाश्च परंतप
कर्णतः समपद्यन्त खेचराणि वयांसि च
Asura yatudhanashcha guhyakashcha parantapa
Karnatah samapadyanta khecharani vayansi cha
63.35
रत्नानि निधयः सर्वे वेदाश्चाख्यानपञ्चमाः
सोपवेदोपनिषदः सरहस्याः ससंग्रहाः
Ratnani nidhayah sarve vedashchakhyanapanchamah
Sopavedopanishadah sarahasyah sasangrahah
63.36
वासुकिश्चित्रसेनश्च तक्षकश्चोपतक्षकः
पर्वताश्च तथा सर्वे काद्रवेयाश्च सान्वयाः
विषवन्तो महारोषा नागाश्चार्जुनतोऽभवन्
Vasukishchitrasenashcha takshakashchopatakshakah
Parvatashcha tatha sarve kadraveyashcha sanvayah
Vishavanto maharosha nagashcharjunatobhavan
63.37
ऐरावताः सौरभेया वैशालेयाश्च भोगिनः
एतेऽभवन्नर्जुनतः क्षुद्रसर्पास्तु कर्णतः
Airavatah saurabheya vaishaleyashcha bhoginah
Etebhavannarjunatah kshudrasarpastu karnatah
63.38
ईहामृगा व्याडमृगा मङ्गल्याश्च मृगद्विजाः
पार्थस्य विजयं राजन्सर्व एवाभिसंश्रिताः
Ihamriga vyadamriga mangalyashcha mrigadvijah
Parthasya vijayam rajansarva evabhisanshritah
63.39
वसवो मरुतः साध्या रुद्रा विश्वेऽश्विनौ तथा
अग्निरिन्द्रश्च सोमश्च पवनश्च दिशो दश
धनंजयमुपाजग्मुरादित्याः कर्णतोऽभवन्
Vasavo marutah sadhya rudra vishveshvinau tatha
Agnirindrashcha somashcha pavanashcha disho dasha
Dhananjayamupajagmuradityah karnatobhavan
63.40
देवास्तु पितृभिः सार्धं सगणार्जुनतोऽभवन्
यमो वैश्रवणश्चैव वरुणश्च यतोऽर्जुनः
Devastu pitribhih sardham saganarjunatobhavan
Yamo vaishravanashchaiva varunashcha yatorjunah
63.41
देवब्रह्मनृपर्षीणां गणाः पाण्डवतोऽभवन्
तुम्बुरुप्रमुखा राजन्गन्धर्वाश्च यतोऽर्जुनः
Devabrahmanriparshinam ganah pandavatobhavan
Tumburupramukha rajangandharvashcha yatorjunah
63.42
प्रावेयाः सह मौनेयैर्गन्धर्वाप्सरसां गणाः
ईहामृगव्याडमृगैर्द्विपाश्च रथपत्तिभिः
Praveyah saha mauneyairgandharvapsarasam ganah
Ihamrigavyadamrigairdvipashcha rathapattibhih
63.43
उह्यमानास्तथा मेघैर्वायुना च मनीषिणः
दिदृक्षवः समाजग्मुः कर्णार्जुनसमागमम्
Uhyamanastatha meghairvayuna cha manishinah
Didrikshavah samajagmuh karnarjunasamagamam
63.44
देवदानवगन्धर्वा नागा यक्षाः पतत्रिणः
महर्षयो वेदविदः पितरश्च स्वधाभुजः
Devadanavagandharva naga yakshah patatrinah
Maharshayo vedavidah pitarashcha svadhabhujah
63.45
तपो विद्यास्तथौषध्यो नानारूपाम्बरत्विषः
अन्तरिक्षे महाराज विनदन्तोऽवतस्थिरे
Tapo vidyastathaushadhyo nanarupambaratvishah
Antarikshe maharaja vinadantovatasthire
63.46
ब्रह्मा ब्रह्मर्षिभिः सार्धं प्रजापतिभिरेव च
भवेनावस्थितो यानं दिव्यं तं देशमभ्ययात्
Brahma brahmarshibhih sardham prajapatibhireva cha
Bhavenavasthito yanam divyam tam deshamabhyayat
63.47
दृष्ट्वा प्रजापतिं देवाः स्वयंभुवमुपागमन्
समोऽस्तु देव विजय एतयोर्नरसिंहयोः
Drishtva prajapatim devah svayambhuvamupagaman
Samostu deva vijaya etayornarasinhayoh
63.48
तदुपश्रुत्य मघवा प्रणिपत्य पितामहम्
कर्णार्जुनविनाशेन मा नश्यत्वखिलं जगत्
Tadupashrutya maghava pranipatya pitamaham
Karnarjunavinashena ma nashyatvakhilam jagat
63.49
स्वयंभो ब्रूहि तद्वाक्यं समोऽस्तु विजयोऽनयोः
तत्तथास्तु नमस्तेऽस्तु प्रसीद भगवन्मम
Svayambho bruhi tadvakyam samostu vijayonayoh
Tattathastu namastestu prasida bhagavanmama
63.50
ब्रह्मेशानावथो वाक्यमूचतुस्त्रिदशेश्वरम्
विजयो ध्रुव एवास्तु विजयस्य महात्मनः
Brahmeshanavatho vakyamuchatustridasheshvaram
Vijayo dhruva evastu vijayasya mahatmanah
63.51
मनस्वी बलवाञ्शूरः कृतास्त्रश्च तपोधनः
बिभर्ति च महातेजा धनुर्वेदमशेषतः
Manasvi balavanshurah kritastrashcha tapodhanah
Bibharti cha mahateja dhanurvedamasheshatah
63.52
अतिक्रमेच्च माहात्म्याद्दिष्टमेतस्य पर्ययात्
अतिक्रान्ते च लोकानामभावो नियतो भवेत्
Atikramechcha mahatmyaddishtametasya paryayat
Atikrante cha lokanamabhavo niyato bhavet
63.53
न विद्यते व्यवस्थानं कृष्णयोः क्रुद्धयोः क्वचित्
स्रष्टारौ ह्यसतश्चोभौ सतश्च पुरुषर्षभौ
Na vidyate vyavasthanam krishnayoh kruddhayoh kvachit
Srashtarau hyasatashchobhau satashcha purusharshabhau
63.54
नरनारायणावेतौ पुराणावृषिसत्तमौ
अनियत्तौ नियन्तारावभीतौ स्म परंतपौ
Naranarayanavetau puranavrishisattamau
Aniyattau niyantaravabhitau sma parantapau
63.55
कर्णो लोकानयं मुख्यान्प्राप्नोतु पुरुषर्षभः
वीरो वैकर्तनः शूरो विजयस्त्वस्तु कृष्णयोः
Karno lokanayam mukhyanprapnotu purusharshabhah
Viro vaikartanah shuro vijayastvastu krishnayoh
63.56
वसूनां च सलोकत्वं मरुतां वा समाप्नुयात्
सहितो द्रोणभीष्माभ्यां नाकलोके महीयताम्
Vasunam cha salokatvam marutam va samapnuyat
Sahito dronabhishmabhyam nakaloke mahiyatam
63.57
इत्युक्तो देवदेवाभ्यां सहस्राक्षोऽब्रवीद्वचः
आमन्त्र्य सर्वभूतानि ब्रह्मेशानानुशासनात्
Ityukto devadevabhyam sahasrakshobravidvachah
Amantrya sarvabhutani brahmeshananushasanat
63.58
श्रुतं भवद्भिर्यत्प्रोक्तं भगवद्भ्यां जगद्धितम्
तत्तथा नान्यथा तद्धि तिष्ठध्वं गतमन्यवः
Shrutam bhavadbhiryatproktam bhagavadbhyam jagaddhitam
Tattatha nanyatha taddhi tishthadhvam gatamanyavah
63.59
इति श्रुत्वेन्द्रवचनं सर्वभूतानि मारिष
विस्मितान्यभवन्राजन्पूजयां चक्रिरे च तत्
Iti shrutvendravachanam sarvabhutani marisha
Vismitanyabhavanrajanpujayam chakrire cha tat
63.60
व्यसृजंश्च सुगन्धीनि नानारूपाणि खात्तथा
पुष्पवर्षाणि विबुधा देवतूर्याण्यवादयन्
Vyasrijanshcha sugandhini nanarupani khattatha
Pushpavarshani vibudha devaturyanyavadayan
63.61
दिदृक्षवश्चाप्रतिमं द्वैरथं नरसिंहयोः
देवदानवगन्धर्वाः सर्व एवावतस्थिरे
रथौ च तौ श्वेतहयौ युक्तकेतू महास्वनौ
Didrikshavashchapratimam dvairatham narasinhayoh
Devadanavagandharvah sarva evavatasthire
Rathau cha tau shvetahayau yuktaketu mahasvanau
63.62
समागता लोकवीराः शङ्खान्दध्मुः पृथक्पृथक्
वासुदेवार्जुनौ वीरौ कर्णशल्यौ च भारत
Samagata lokavirah shankhandadhmuh prithakprithak
Vasudevarjunau virau karnashalyau cha bharata
63.63
तद्भीरुसंत्रासकरं युद्धं समभवत्तदा
अन्योन्यस्पर्धिनोर्वीर्ये शक्रशम्बरयोरिव
Tadbhirusantrasakaram yuddham samabhavattada
Anyonyaspardhinorvirye shakrashambarayoriva
63.64
तयोर्ध्वजौ वीतमालौ शुशुभाते रथस्थितौ
पृथग्रूपौ समार्छन्तौ क्रोधं युद्धे परस्परम्
Tayordhvajau vitamalau shushubhate rathasthitau
Prithagrupau samarchhantau krodham yuddhe parasparam
63.65
कर्णस्याशीविषनिभा रत्नसारवती दृढा
पुरंदरधनुःप्रख्या हस्तिकक्ष्या व्यराजत
Karnasyashivishanibha ratnasaravati dridha
Purandaradhanuhprakhya hastikakshya vyarajata
63.66
कपिश्रेष्ठस्तु पार्थस्य व्यादितास्यो भयंकरः
भीषयन्नेव दंष्ट्राभिर्दुर्निरीक्ष्यो रविर्यथा
Kapishreshthastu parthasya vyaditasyo bhayankarah
Bhishayanneva danshtrabhirdurnirikshyo raviryatha
63.67
युद्धाभिलाषुको भूत्वा ध्वजो गाण्डीवधन्वनः
कर्णध्वजमुपातिष्ठत्सोऽवदीदभिनर्दयन्
Yuddhabhilashuko bhutva dhvajo gandivadhanvanah
Karnadhvajamupatishthatsovadidabhinardayan
63.68
उत्पत्य च महावेगः कक्ष्यामभ्यहनत्कपिः
नखैश्च दशनैश्चैव गरुडः पन्नगं यथा
Utpatya cha mahavegah kakshyamabhyahanatkapih
Nakhaishcha dashanaishchaiva garudah pannagam yatha
63.69
सुकिङ्किणीकाभरणा कालपाशोपमायसी
अभ्यद्रवत्सुसंक्रुद्धा नागकक्ष्या महाकपिम्
Sukinkinikabharana kalapashopamayasi
Abhyadravatsusankruddha nagakakshya mahakapim
63.70
उभयोरुत्तमे युद्धे द्वैरथे द्यूत आहृते
प्रकुर्वाते ध्वजौ युद्धं प्रत्यहेषन्हयान्हयाः
Ubhayoruttame yuddhe dvairathe dyuta ahrite
Prakurvate dhvajau yuddham pratyaheshanhayanhayah
63.71
अविध्यत्पुण्डरीकाक्षः शल्यं नयनसायकैः
स चापि पुण्डरीकाक्षं तथैवाभिसमैक्षत
Avidhyatpundarikakshah shalyam nayanasayakaih
Sa chapi pundarikaksham tathaivabhisamaikshata
63.72
तत्राजयद्वासुदेवः शल्यं नयनसायकैः
कर्णं चाप्यजयद्दृष्ट्या कुन्तीपुत्रो धनंजयः
Tatrajayadvasudevah shalyam nayanasayakaih
Karnam chapyajayaddrishtya kuntiputro dhananjayah
63.73
अथाब्रवीत्सूतपुत्रः शल्यमाभाष्य सस्मितम्
यदि पार्थो रणे हन्यादद्य मामिह कर्हिचित्
किमुत्तरं तदा ते स्यात्सखे सत्यं ब्रवीहि मे
Athabravitsutaputrah shalyamabhashya sasmitam
Yadi partho rane hanyadadya mamiha karhichit
Kimuttaram tada te syatsakhe satyam bravihi me
63.74
शल्य उवाच
यदि कर्ण रणे हन्यादद्य त्वां श्वेतवाहनः
उभावेकरथेनाहं हन्यां माधवपाण्डवौ
Shalya uvacha
Yadi karna rane hanyadadya tvam shvetavahanah
Ubhavekarathenaham hanyam madhavapandavau
63.75
संजय उवाच
एवमेव तु गोविंदमर्जुनः प्रत्यभाषत
तं प्रहस्याब्रवीत्कृष्णः पार्थं परमिदं वचः
Sanjaya uvacha
Evameva tu govindamarjunah pratyabhashata
Tam prahasyabravitkrishnah partham paramidam vachah
63.76
पतेद्दिवाकरः स्थानाच्छीर्येतानेकधा क्षितिः
शैत्यमग्निरियान्न त्वा कर्णो हन्याद्धनंजयम्
Pateddivakarah sthanachchhiryetanekadha kshitih
Shaityamagniriyanna tva karno hanyaddhananjayam
63.77
यदि त्वेवं कथंचित्स्याल्लोकपर्यसनं यथा
हन्यां कर्णं तथा शल्यं बाहुभ्यामेव संयुगे
Yadi tvevam kathanchitsyallokaparyasanam yatha
Hanyam karnam tatha shalyam bahubhyameva sanyuge
63.78
इति कृष्णवचः श्रुत्वा प्रहसन्कपिकेतनः
अर्जुनः प्रत्युवाचेदं कृष्णमक्लिष्टकारिणम्
ममाप्येतावपर्याप्तौ कर्णशल्यौ जनार्दन
Iti krishnavachah shrutva prahasankapiketanah
Arjunah pratyuvachedam krishnamaklishtakarinam
Mamapyetavaparyaptau karnashalyau janardana
63.79
सपताकाध्वजं कर्णं सशल्यरथवाजिनम्
सच्छत्रकवचं चैव सशक्तिशरकार्मुकम्
Sapatakadhvajam karnam sashalyarathavajinam
Sachchhatrakavacham chaiva sashaktisharakarmukam
63.80
द्रष्टास्यद्य शरैः कर्णं रणे कृत्तमनेकधा
अद्यैनं सरथं साश्वं सशक्तिकवचायुधम्
न हि मे शाम्यते वैरं कृष्णां यत्प्राहसत्पुरा
Drashtasyadya sharaih karnam rane krittamanekadha
Adyainam saratham sashvam sashaktikavachayudham
Na hi me shamyate vairam krishnam yatprahasatpura
63.81
अद्य द्रष्टासि गोविन्द कर्णमुन्मथितं मया
वारणेनेव मत्तेन पुष्पितं जगतीरुहम्
Adya drashtasi govinda karnamunmathitam maya
Varaneneva mattena pushpitam jagatiruham
63.82
अद्य ता मधुरा वाचः श्रोतासि मधुसूदन
अद्याभिमन्युजननीमनृणः सान्त्वयिष्यसि
कुन्तीं पितृष्वसारं च संप्रहृष्टो जनार्दन
Adya ta madhura vachah shrotasi madhusudana
Adyabhimanyujananimanrinah santvayishyasi
Kuntim pitrishvasaram cha samprahrishto janardana
63.83
अद्य बाष्पमुखीं कृष्णां सान्त्वयिष्यसि माधव
वाग्भिश्चामृतकल्पाभिर्धर्मराजं युधिष्ठिरम्
Adya bashpamukhim krishnam santvayishyasi madhava
Vagbhishchamritakalpabhirdharmarajam yudhishthiram