UtshovChapter 4
4.1
वैशंपायन उवाच
ततो दिवाकरः प्रीतो दर्शयामास पाण्डवम्
दीप्यमानः स्ववपुषा ज्वलन्निव हुताशनः
Vaishampayana uvacha
Tato divakarah prito darshayamasa pandavam
Dipyamanah svavapusha jvalanniva hutashanah
4.2
यत्तेऽभिलषितं राजन्सर्वमेतदवाप्स्यसि
अहमन्नं प्रदास्यामि सप्त पञ्च च ते समाः
Yattebhilashitam rajansarvametadavapsyasi
Ahamannam pradasyami sapta pancha cha te samah
4.3
फलमूलामिषं शाकं संस्कृतं यन्महानसे
चतुर्विधं तदन्नाद्यमक्षय्यं ते भविष्यति
धनं च विविधं तुभ्यमित्युक्त्वान्तरधीयत
Phalamulamisham shakam sanskritam yanmahanase
Chaturvidham tadannadyamakshayyam te bhavishyati
Dhanam cha vividham tubhyamityuktvantaradhiyata
4.4
लब्ध्वा वरं तु कौन्तेयो जलादुत्तीर्य धर्मवित्
जग्राह पादौ धौम्यस्य भ्रातॄंश्चास्वजताच्युतः
Labdhva varam tu kaunteyo jaladuttirya dharmavit
Jagraha padau dhaumyasya bhratrinshchasvajatachyutah
4.5
द्रौपद्या सह संगम्य पश्यमानोऽभ्ययात्प्रभुः
महानसे तदान्नं तु साधयामास पाण्डवः
Draupadya saha sangamya pashyamanobhyayatprabhuh
Mahanase tadannam tu sadhayamasa pandavah
4.6
संस्कृतं प्रसवं याति वन्यमन्नं चतुर्विधम्
अक्षय्यं वर्धते चान्नं तेन भोजयते द्विजान्
Sanskritam prasavam yati vanyamannam chaturvidham
Akshayyam vardhate channam tena bhojayate dvijan
4.7
भुक्तवत्सु च विप्रेषु भोजयित्वानुजानपि
शेषं विघससंज्ञं तु पश्चाद्भुङ्क्ते युधिष्ठिरः
युधिष्ठिरं भोजयित्वा शेषमश्नाति पार्षती
Bhuktavatsu cha vipreshu bhojayitvanujanapi
Shesham vighasasangyam tu pashchadbhunkte yudhishthirah
Yudhishthiram bhojayitva sheshamashnati parshati
4.8
एवं दिवाकरात्प्राप्य दिवाकरसमद्युतिः
कामान्मनोऽभिलषितान्ब्राह्मणेभ्यो ददौ प्रभुः
Evam divakaratprapya divakarasamadyutih
Kamanmanobhilashitanbrahmanebhyo dadau prabhuh
4.9
पुरोहितपुरोगाश्च तिथिनक्षत्रपर्वसु
यज्ञियार्थाः प्रवर्तन्ते विधिमन्त्रप्रमाणतः
Purohitapurogashcha tithinakshatraparvasu
Yagyiyarthah pravartante vidhimantrapramanatah
4.10
ततः कृतस्वस्त्ययना धौम्येन सह पाण्डवाः
द्विजसंघैः परिवृताः प्रययुः काम्यकं वनम्
Tatah kritasvastyayana dhaumyena saha pandavah
Dvijasanghaih parivritah prayayuh kamyakam vanam