UtshovChapter 36
36.1
भीष्म उवाच
अत्राप्युदाहरन्तीममितिहासं पुरातनम्
शक्रशम्बरसंवादं तन्निबोध युधिष्ठिर
Bhishma uvacha
Atrapyudaharantimamitihasam puratanam
Shakrashambarasanvadam tannibodha yudhishthira
36.2
शक्रो ह्यज्ञातरूपेण जटी भूत्वा रजोरुणः
विरूपं रूपमास्थाय प्रश्नं पप्रच्छ शम्बरम्
Shakro hyagyatarupena jati bhutva rajorunah
Virupam rupamasthaya prashnam paprachchha shambaram
36.3
केन शम्बर वृत्तेन स्वजात्यानधितिष्ठसि
श्रेष्ठं त्वां केन मन्यन्ते तन्मे प्रब्रूहि पृच्छतः
Kena shambara vrittena svajatyanadhitishthasi
Shreshtham tvam kena manyante tanme prabruhi prichchhatah
36.4
शम्बर उवाच
नासूयामि सदा विप्रान्ब्रह्माणं च पितामहम्
शास्त्राणि वदतो विप्रान्संमन्यामि यथासुखम्
Shambara uvacha
Nasuyami sada vipranbrahmanam cha pitamaham
Shastrani vadato vipransammanyami yathasukham
36.5
श्रुत्वा च नावजानामि नापराध्यामि कर्हिचित्
अभ्यर्च्याननुपृच्छामि पादौ गृह्णामि धीमताम्
Shrutva cha navajanami naparadhyami karhichit
Abhyarchyananuprichchhami padau grihnami dhimatam
36.6
ते विश्रब्धाः प्रभाषन्ते संयच्छन्ति च मां सदा
प्रमत्तेष्वप्रमत्तोऽस्मि सदा सुप्तेषु जागृमि
Te vishrabdhah prabhashante sanyachchhanti cha mam sada
Pramatteshvapramattosmi sada supteshu jagrimi
36.7
ते मा शास्त्रपथे युक्तं ब्रह्मण्यमनसूयकम्
समासिञ्चन्ति शास्तारः क्षौद्रं मध्विव मक्षिकाः
Te ma shastrapathe yuktam brahmanyamanasuyakam
Samasinchanti shastarah kshaudram madhviva makshikah
36.8
यच्च भाषन्ति ते तुष्टास्तत्तद्गृह्णामि मेधया
समाधिमात्मनो नित्यमनुलोममचिन्तयन्
Yachcha bhashanti te tushtastattadgrihnami medhaya
Samadhimatmano nityamanulomamachintayan
36.9
सोऽहं वागग्रसृष्टानां रसानामवलेहकः
स्वजात्यानधितिष्ठामि नक्षत्राणीव चन्द्रमाः
Soham vagagrasrishtanam rasanamavalehakah
Svajatyanadhitishthami nakshatraniva chandramah
36.10
एतत्पृथिव्याममृतमेतच्चक्षुरनुत्तमम्
यद्ब्राह्मणमुखाच्छास्त्रमिह श्रुत्वा प्रवर्तते
Etatprithivyamamritametachchakshuranuttamam
Yadbrahmanamukhachchhastramiha shrutva pravartate
36.11
एतत्कारणमाज्ञाय दृष्ट्वा देवासुरं पुरा
युद्धं पिता मे हृष्टात्मा विस्मितः प्रत्यपद्यत
Etatkaranamagyaya drishtva devasuram pura
Yuddham pita me hrishtatma vismitah pratyapadyata
36.12
दृष्ट्वा च ब्राह्मणानां तु महिमानं महात्मनाम्
पर्यपृच्छत्कथमिमे सिद्धा इति निशाकरम्
Drishtva cha brahmananam tu mahimanam mahatmanam
Paryaprichchhatkathamime siddha iti nishakaram
36.13
सोम उवाच
ब्राह्मणास्तपसा सर्वे सिध्यन्ते वाग्बलाः सदा
भुजवीर्या हि राजानो वागस्त्राश्च द्विजातयः
Soma uvacha
Brahmanastapasa sarve sidhyante vagbalah sada
Bhujavirya hi rajano vagastrashcha dvijatayah
36.14
प्रवसन्वाप्यधीयीत बह्वीर्दुर्वसतीर्वसन्
निर्मन्युरपि निर्मानो यतिः स्यात्समदर्शनः
Pravasanvapyadhiyita bahvirdurvasatirvasan
Nirmanyurapi nirmano yatih syatsamadarshanah
36.15
अपि चेज्जातिसंपन्नः सर्वान्वेदान्पितुर्गृहे
श्लाघमान इवाधीयेद्ग्राम्य इत्येव तं विदुः
Api chejjatisampannah sarvanvedanpiturgrihe
Shlaghamana ivadhiyedgramya ityeva tam viduh
36.16
भूमिरेतौ निगिरति सर्पो बिलशयानिव
राजानं चाप्ययोद्धारं ब्राह्मणं चाप्रवासिनम्
Bhumiretau nigirati sarpo bilashayaniva
Rajanam chapyayoddharam brahmanam chapravasinam
36.17
अतिमानः श्रियं हन्ति पुरुषस्याल्पमेधसः
गर्भेण दुष्यते कन्या गृहवासेन च द्विजः
Atimanah shriyam hanti purushasyalpamedhasah
Garbhena dushyate kanya grihavasena cha dvijah
36.18
इत्येतन्मे पिता श्रुत्वा सोमादद्भुतदर्शनात्
ब्राह्मणान्पूजयामास तथैवाहं महाव्रतान्
Ityetanme pita shrutva somadadbhutadarshanat
Brahmananpujayamasa tathaivaham mahavratan
36.19
भीष्म उवाच
श्रुत्वैतद्वचनं शक्रो दानवेन्द्रमुखाच्च्युतम्
द्विजान्संपूजयामास महेन्द्रत्वमवाप च
Bhishma uvacha
Shrutvaitadvachanam shakro danavendramukhachchyutam
Dvijansampujayamasa mahendratvamavapa cha