UtshovChapter 183
183.1
वैशंपायन उवाच
भ्रातुर्वचस्तत्प्रसमीक्ष्य सर्वे; ज्येष्ठस्य पाण्डोस्तनयास्तदानीम्
तमेवार्थं ध्यायमाना मनोभि;रासां चक्रुरथ तत्रामितौजाः
Vaishampayana uvacha
Bhraturvachastatprasamikshya sarve; jyeshthasya pandostanayastadanim
Tamevartham dhyayamana manobhi;rasam chakruratha tatramitaujah
183.2
वृष्णिप्रवीरस्तु कुरुप्रवीरा;नाशङ्कमानः सहरौहिणेयः
जगाम तां भार्गवकर्मशालां; यत्रासते ते पुरुषप्रवीराः
Vrishnipravirastu kurupravira;nashankamanah saharauhineyah
Jagama tam bhargavakarmashalam; yatrasate te purushapravirah
183.3
तत्रोपविष्टं पृथुदीर्घबाहुं; ददर्श कृष्णः सहरौहिणेयः
अजातशत्रुं परिवार्य तांश्च; उपोपविष्टाञ्ज्वलनप्रकाशान्
Tatropavishtam prithudirghabahum; dadarsha krishnah saharauhineyah
Ajatashatrum parivarya tanshcha; upopavishtanjvalanaprakashan
183.4
ततोऽब्रवीद्वासुदेवोऽभिगम्य; कुन्तीसुतं धर्मभृतां वरिष्ठम्
कृष्णोऽहमस्मीति निपीड्य पादौ; युधिष्ठिरस्याजमीढस्य राज्ञः
Tatobravidvasudevobhigamya; kuntisutam dharmabhritam varishtham
Krishnohamasmiti nipidya padau; yudhishthirasyajamidhasya ragyah
183.5
तथैव तस्याप्यनु रौहिणेय;स्तौ चापि हृष्टाः कुरवोऽभ्यनन्दन्
पितृष्वसुश्चापि यदुप्रवीरा;वगृह्णतां भारतमुख्य पादौ
Tathaiva tasyapyanu rauhineya;stau chapi hrishtah kuravobhyanandan
Pitrishvasushchapi yadupravira;vagrihnatam bharatamukhya padau
183.6
अजातशत्रुश्च कुरुप्रवीरः; पप्रच्छ कृष्णं कुशलं निवेद्य
कथं वयं वासुदेव त्वयेह; गूढा वसन्तो विदिताः स्म सर्वे
Ajatashatrushcha kurupravirah; paprachchha krishnam kushalam nivedya
Katham vayam vasudeva tvayeha; gudha vasanto viditah sma sarve
183.7
तमब्रवीद्वासुदेवः प्रहस्य; गूढोऽप्यग्निर्ज्ञायत एव राजन्
तं विक्रमं पाण्डवेयानतीत्य; कोऽन्यः कर्ता विद्यते मानुषेषु
Tamabravidvasudevah prahasya; gudhopyagnirgyayata eva rajan
Tam vikramam pandaveyanatitya; konyah karta vidyate manusheshu
183.8
दिष्ट्या तस्मात्पावकात्संप्रमुक्ता; यूयं सर्वे पाण्डवाः शत्रुसाहाः
दिष्ट्या पापो धृतराष्ट्रस्य पुत्रः; सहामात्यो न सकामोऽभविष्यत्
Dishtya tasmatpavakatsampramukta; yuyam sarve pandavah shatrusahah
Dishtya papo dhritarashtrasya putrah; sahamatyo na sakamobhavishyat
183.9
भद्रं वोऽस्तु निहितं यद्गुहायां; विवर्धध्वं ज्वलन इवेध्यमानः
मा वो विद्युः पार्थिवाः केचनेह; यास्यावहे शिबिरायैव तावत्
सोऽनुज्ञातः पाण्डवेनाव्ययश्रीः; प्रायाच्छीघ्रं बलदेवेन सार्धम्
Bhadram vostu nihitam yadguhayam; vivardhadhvam jvalana ivedhyamanah
Ma vo vidyuh parthivah kechaneha; yasyavahe shibirayaiva tavat
Sonugyatah pandavenavyayashrih; prayachchhighram baladevena sardham