Sukta 94

94.1

Sammanasyam, 1-3 atharvangirah, sarasvati, anushtup, 2 virad-jagati

सं वो॒ मनां॑सि॒ सं व्र॒ता समाकू॑तीर्नमामसि ।
अ॒मी ये विव्र॑ता॒ स्थन॒ तान् वः॒ सं न॑मयामसि ॥१॥

Sam vo manansi sam vrata samakutirnamamasi
Ami ye vivrata sthana tan vah sam namayamasi

94.2

अ॒हं गृ॑भ्णामि॒ मन॑सा॒ मनां॑सि॒ मम॑ चि॒त्तमनु॑ चि॒त्तेभि॒रेत॑ ।
मम॒ वशे॑षु॒ हृद॑यानि वः कृणोमि॒ मम॑ या॒तमनु॑वर्त्मान॒ एत॑ ॥२॥

Aham gribhnami manasa manansi mama chittamanu chittebhireta
Mama vasheshu hridayani vah krinomi mama yatamanuvartmana eta

94.3

ओते॑ मे॒ द्यावा॑पृथि॒वी ओता॑ दे॒वी सर॑स्वती ।
ओतौ॑ म॒ इन्द्र॑श्चा॒ग्निश्च॒र्ध्यास्मे॒दं स॑रस्वति ॥३॥

Ote me dyavaprithivi ota devi sarasvati
Otau ma indrashchagnishchardhyasmedam sarasvati