Sukta 93

93.1

Svastyayanam, 1-3 shantatih, rudrah, 1 yamo, mrityuh, sharvah, 2 bhavah, sharvah 3 vishve devah, marutah, agnishomau, varunah, vataparjanyau, trishtup

य॒मो मृ॒त्युर॑घमा॒रो नि॑रृ॒थो ब॒भ्रुः श॒र्वोऽस्ता॒ नील॑शिखण्डः ।
दे॒व॒ज॒नाः सेन॑योत्तस्थि॒वांस॒स्ते अ॒स्माकं॒ परि॑ वृञ्जन्तु वी॒रान् ॥१॥

Yamo mrityuraghamaro nirritho babhruh sharvosta nilashikhandah
Devajanah senayottasthivansaste asmakam pari vrinjantu viran

93.2

मन॑सा॒ होमै॒र्हर॑सा घृ॒तेन॑ श॒र्वायास्त्र॑ उ॒त राज्ञे॑ भ॒वाय॑ ।
न॒म॒स्येऽभ्यो॒ नम॑ एभ्यः कृणोम्य॒न्यत्रा॒स्मद॒घवि॑षा नयन्तु ॥२॥

Manasa homairharasa ghritena sharvayastra uta ragye bhavaya
Namasyebhyo nama ebhyah krinomyanyatrasmadaghavisha nayantu

93.3

त्राय॑ध्वं नो अ॒घवि॑षाभ्यो व॒धाद् विश्वे॑ देवा मरुतो विश्ववेदसः ।
अ॒ग्नीषोमा॒ वरु॑णः पू॒तद॑क्षा वातापर्ज॒न्ययोः॑ सुम॒तौ स्या॑म ॥३॥

Trayadhvam no aghavishabhyo vadhad vishve deva maruto vishvavedasah
Agnishoma varunah putadaksha vataparjanyayoh sumatau syama