Sukta 123

123.1

Saumanasam, 1-5 bhriguh, vishve devah, trishtup, 3 dvipada sammyanushtup, 4 ekavasana dvipada prajapatya bhuriganushtu

ए॒तं स॑धस्थाः॒ परि॑ वो ददामि॒ यं शे॑व॒धिमा॒वहा॑ज्जा॒तवे॑दाः ।
अ॒न्वा॒ग॒न्ता यज॑मानः स्व॒स्ति तं स्म॑ जानीत पर॒मे व्योऽमन् ॥१॥

Etam sadhasthah pari vo dadami yam shevadhimavahajjatavedah
Anvaganta yajamanah svasti tam sma janita parame vyoman

123.2

जा॒नी॒त स्मै॑नं पर॒मे व्योऽम॒न् देवाः॒ सध॑स्था वि॒द लो॒कमत्र॑ ।
अ॒न्वा॒ग॒न्ता यज॑मानः स्व॒स्तीऽष्टापू॒र्तं स्म॑ कृणुता॒विर॑स्मै ॥२॥

Janita smainam parame vyoman devah sadhastha vida lokamatra
Anvaganta yajamanah svastishtapurtam sma krinutavirasmai

123.3

देवाः॒ पित॑रः॒ पित॑रो॒ देवाः॑ ।
यो अस्मि॒ सो अ॑स्मि ॥३॥

Devah pitarah pitaro devah
Yo asmi so asmi

123.4

स प॑चामि॒ स द॑दामि॒ ।
स य॑जे॒ स द॒त्तान्मा यू॑षम् ॥४॥

Sa pachami sa dadami
Sa yaje sa dattanma yusham

123.5

नाके॑ राज॑न् प्रति॑ तिष्ठ॒ तत्रै॒तत् प्रति॑ तिष्ठतु ।
वि॒द्धि पू॒र्तस्य॑ नो राज॒न्त्स दे॑व सु॒मना॑ भव ॥५॥

Nake rajan prati tishtha tatraitat prati tishthatu
Viddhi purtasya no rajantsa deva sumana bhava