UtshovSukta 58
58.1
श्राय॑न्त इव॒ सूर्यं॒ विश्वेदिन्द्र॑स्य भक्षत ।
वसू॑नि जा॒ते जन॑मान॒ ओज॑सा॒ प्रति॑ भा॒गं न दी॑धिम ॥१॥
Shrayanta iva suryam vishvedindrasya bhakshata
Vasuni jate janamana ojasa prati bhagam na didhima
58.2
अन॑र्शरातिं वसु॒दामुप॑ स्तुहि भ॒द्रा इन्द्र॑स्य रा॒तयः॑ ।
सो अ॑स्य॒ कामं॑ विध॒तो न रो॑षति॒ मनो॑ दा॒नाय॑ चो॒दय॑न् ॥२॥
Anarsharatim vasudamupa stuhi bhadra indrasya ratayah
So asya kamam vidhato na roshati mano danaya chodayan
58.3
बण्म॒हाँ अ॑सि सूर्य॒ बडा॑दित्य म॒हाँ अ॑सि ।
म॒हस्ते॑ स॒तो म॑हि॒मा प॑नस्यते॒ऽद्धा दे॑व म॒हाँ अ॑सि ॥३॥
Banmaham asi surya badaditya maham asi
Mahaste sato mahima panasyateddha deva maham asi
58.4
बट् सू॑र्य॒ श्रव॑सा म॒हाँ अ॑सि स॒त्रा दे॑व म॒हाँ अ॑सि ।
म॒ह्ना दे॒वाना॑मसु॒र्यः पु॒रोहि॑तो वि॒भु ज्योति॒रदा॑भ्यम् ॥४॥
Bat surya shravasa maham asi satra deva maham asi
Mahna devanamasuryah purohito vibhu jyotiradabhyam