UtshovSukta 142
142.1
अभु॑त्स्यु॒ प्र दे॒व्या सा॒कं वा॒चाहम॒श्विनोः॑ । व्या॑वर्दे॒व्या म॒तिं वि रा॒तिं मर्त्ये॑भ्यः ॥१॥
Abhutsyu pra devya sakam vachahamashvinoh, vyavardevya matim vi ratim martyebhyah
142.2
प्र बो॑धयोषो अ॒श्विना॒ प्र दे॑वि सूनृते महि । प्र य॑ज्ञहोतरानु॒षक्प्र मदा॑य॒ श्रवो॑ बृ॒हत् ॥२॥
Pra bodhayosho ashvina pra devi sunrite mahi, pra yagyahotaranushakpra madaya shravo brihat
142.3
यदु॑षो॒ यासि॑ भा॒नुना॒ सं सूर्ये॑ण रोचसे । आ हा॒यम॒श्विनो॒ रथो॑ व॒र्तिर्या॑ति नृ॒पाय्य॑म् ॥३॥
Yadusho yasi bhanuna sam suryena rochase, a hayamashvino ratho vartiryati nripayyam
142.4
यदापी॑तासो अं॒शवो॒ गावो॒ न दु॒ह्र ऊध॑भिः । यद्वा॒ वाणी॒रनु॑षत॒ प्र दे॑व॒यन्तो॑ अ॒श्विना॑ ॥४॥
Yadapitaso anshavo gavo na duhra udhabhih, yadva vaniranushata pra devayanto ashvina
142.5
प्र द्यु॒म्नाय॒ प्र शव॑से॒ प्र नृ॒षाह्या॑य॒ शर्म॑णे । प्र दक्षा॑य प्रचेतसा ॥५॥
Pra dyumnaya pra shavase pra nrishahyaya sharmane, pra dakshaya prachetasa
142.6
यन्नू॒नं धी॒भिर॑श्विना पि॒तुर्योना॑ नि॒षीद॑थः । यद्वा॑ सु॒म्नेभि॑रुक्थ्या ॥६॥
Yannunam dhibhirashvina pituryona nishidathah, yadva sumnebhirukthya