UtshovSukta 140
140.1
यन्ना॑सत्या भुर॒ण्यथो॒ यद्वा॑ देव भिष॒ज्यथः॑ ।
अ॒यं वां॑ व॒त्सो म॒तिभि॒र्न वि॑न्धते ह॒विष्म॑न्तं॒ हि गच्छ॑थः ॥१॥
Yannasatya bhuranyatho yadva deva bhishajyathah
Ayam vam vatso matibhirna vindhate havishmantam hi gachchhathah
140.2
आ नू॒नम॒श्विनो॒र्ऋषि॒ स्तोमं॑ चिकेत वा॒मया॑ ।
आ सोमं॒ मधु॑मत्तमं घ॒र्मं सि॑ञ्चा॒दथ॑र्वणि ॥२॥
A nunamashvinorrishi stomam chiketa vamaya
A somam madhumattamam gharmam sinchadatharvani
140.3
आ नू॒नं र॒घुव॑र्तनिं॒ रथं॑ तिष्ठाथो अश्विना ।
आ वां॒ स्तोमा॑ इ॒मे मम॒ नभो॒ न चु॑च्यवीरत ॥३॥
A nunam raghuvartanim ratham tishthatho ashvina
A vam stoma ime mama nabho na chuchyavirata
140.4
यद॒द्य वां॑ नासत्यो॒क्थैरा॑चुच्युवी॒महि॑ ।
यद्वा॒ वाणी॑भिरश्विने॒वेत्क॒ण्वस्य॑ बोधतम् ॥४॥
Yadadya vam nasatyokthairachuchyuvimahi
Yadva vanibhirashvinevetkanvasya bodhatam
140.5
यद्वां॑ क॒क्षीवां॑ उ॒त यद्व्य॑श्व॒ ऋषि॒र्यद्वां॑ दी॒र्घत॑मा जु॒हाव॑ ।
पृथी॒ यद्वां॑ वै॒न्यः साद॑नेष्वे॒वेदतो॑ अश्विना चेतयेथाम् ॥५॥
Yadvam kakshivam uta yadvyashva rishiryadvam dirghatama juhava
Prithi yadvam vainyah sadaneshvevedato ashvina chetayetham