UtshovSukta 139
139.1
आ नू॒नम॑श्विना यु॒वं व॒त्सस्य॑ गन्त॒मव॑से ।
प्रास्मै॑ यच्छतमवृ॒कं पृ॒थु च्छ॒र्दिर्यु॑यु॒तं या अरा॑तयः ॥१॥
A nunamashvina yuvam vatsasya gantamavase
Prasmai yachchhatamavrikam prithu chchhardiryuyutam ya aratayah
139.2
यद॒न्तरि॑क्षे॒ यद्दि॒वि यत्पञ्च॒ मानु॑षाँ॒ अनु॑ । नृ॒म्णं तद्ध॑त्तमश्विना ॥२॥
Yadantarikshe yaddivi yatpancha manusham anu, nrimnam taddhattamashvina
139.3
ये वां॒ दंसां॑स्यश्विना॒ विप्रा॑सः परिमामृ॒शुः । ए॒वेत्का॒ण्वस्य॑ बोधतम् ॥३॥
Ye vam dansansyashvina viprasah parimamrishuh, evetkanvasya bodhatam
139.4
अ॒यं वां॑ घ॒र्मो अ॑श्विना॒ स्तोमे॑न॒ परि॑ षिच्यते ।
अ॒यं सोमो॒ मधु॑मान्वाजिनीवसू॒ येन॑ वृ॒त्रं चिके॑तथः ॥४॥
Ayam vam gharmo ashvina stomena pari shichyate
Ayam somo madhumanvajinivasu yena vritram chiketathah
139.5
यद॒प्सु यद्वन॒स्पतौ॒ यदोष॑धीषु पुरुदंससा कृ॒तम्। तेन॑ माविष्टमश्विना ॥५॥
Yadapsu yadvanaspatau yadoshadhishu purudansasa kritam, tena mavishtamashvina