Sukta 14

14.1

Vasyunashanam, 1-6 chatanah, shalagnidaivatyam, anushtup, 2 bhurik, 4 uparishthadvirad brihati

निः॒सालां धृ॒ष्णुं धि॒षण॑मेकवा॒द्यां जि॑घ॒त्स्वऽम्।
सर्वा॒श्चण्ड॑स्य न॒प्त्योऽ ना॒शया॑मः स॒दान्वाः॑ ॥१॥

Nihsalam dhrishnum dhishanamekavadyam jighatsvam
Sarvashchandasya naptyo nashayamah sadanvah

14.2

निर्वो॑ गो॒ष्ठाद॑जामसि॒ निरक्षा॒न्निरु॑पान॒सात्।
निर्वो॑ मगुन्द्या दुहितरो गृ॒हेभ्य॑श्चातयामहे ॥२॥

Nirvo goshthadajamasi nirakshannirupanasat
Nirvo magundya duhitaro grihebhyashchatayamahe

14.3

अ॒सौ यो अ॑ध॒राद् गृ॒हस्तत्र॑ सन्त्वरा॒य्यः ।
तत्र॑ से॒दिर्न्युऽच्यतु॒ सर्वा॑श्च यातुधा॒न्यः ॥३॥

Asau yo adharad grihastatra santvarayyah
Tatra sedirnyuchyatu sarvashcha yatudhanyah

14.4

भू॒त॒प॒तिर्निर॑ज॒त्विन्द्र॑श्चे॒तः स॒दान्वाः॑ ।
गृ॒हस्य॑ बु॒ध्न आसी॑ना॒स्ता इन्द्रो॒ वज्रे॒णाधि॑ तिष्ठतु ॥४॥

Bhutapatirnirajatvindrashchetah sadanvah
Grihasya budhna asinasta indro vajrenadhi tishthatu

14.5

यदि॒ स्थ क्षे॑त्रि॒याणां॒ यदि॑ वा॒ पुरु॑षेषिताः ।
यदि॒ स्थ दस्यु॑भ्यो जा॒ता नश्य॑ते॒तः स॒दान्वाः॑ ॥५॥

Yadi stha kshetriyanam yadi va purusheshitah
Yadi stha dasyubhyo jata nashyatetah sadanvah

14.6

परि॒ धामा॑न्यासामा॒शुर्गाष्ठा॑मिवासरन्।
अजै॑षं॒ सर्वा॑ना॒जीन्वो॒ नश्य॑ते॒तः स॒दान्वाः॑ ॥६॥

Pari dhamanyasamashurgashthamivasaran
Ajaisham sarvanajinvo nashyatetah sadanvah