Sukta 9

9.1

Shantih, 1-14 vasishthah (shantatih) shantih, bahudaivanyam, anushtup, shantih, bahudaivanyam, anushtup, viradurobrihati, panchapada pathyapanktih, 9 panchapada kakummati, 12 tryavasana saptapadashtih, 14 chatushpada sankritih

शा॒न्ता द्यौः शा॒न्ता पृ॑थि॒वी शा॒न्तमि॒दमु॒र्व॑१न्तरि॑क्षम्।
शा॒न्ता उ॑द॒न्वती॒रापः॑ शा॒न्ता नः॑ स॒न्त्वोष॑धीः ॥१॥

Shanta dyauh shanta prithivi shantamidamurva1ntariksham
Shanta udanvatirapah shanta nah santvoshadhih

9.2

शा॒न्तानि॑ पूर्वरू॒पाणि॑ शा॒न्तं नो॑ अस्तु कृताकृ॒तम्।
शा॒न्तं भू॒तं च॒ भव्यं॑ च॒ सर्व॑मे॒व शम॑स्तु नः ॥२॥

Shantani purvarupani shantam no astu kritakritam
Shantam bhutam cha bhavyam cha sarvameva shamastu nah

9.3

इ॒यं या प॑रमे॒ष्ठिनी॒ वाग् दे॒वी ब्रह्म॑संशिता ।
ययै॒व स॑सृ॒जे घो॒रं तयै॒व शान्ति॑रस्तु नः ॥३॥

Iyam ya parameshthini vag devi brahmasanshita
Yayaiva sasrije ghoram tayaiva shantirastu nah

9.4

इ॒दं यत् प॑रमे॒ष्ठिनं॒ मनो॑ वां॒ ब्रह्म॑संशितम्।
येनै॒व स॑सृ॒जे घो॒रं तेनै॒व शान्ति॑रस्तु नः ॥४॥

Idam yat parameshthinam mano vam brahmasanshitam
Yenaiva sasrije ghoram tenaiva shantirastu nah

9.5

इ॒मानि॒ यानि॒ पञ्चे॑न्द्रि॒याणि॒ मनः॑षष्ठानि मे हृ॒दि ब्रह्म॑णा॒ संशि॑तानि ।
यैरे॒व स॑सृ॒जे घो॒रं तैरे॒व शान्ति॑रस्तु नः ॥५॥

Imani yani panchendriyani manahshashthani me hridi brahmana sanshitani
Yaireva sasrije ghoram taireva shantirastu nah

9.6

शं नो॑ मि॒त्रः शं वरु॑णः॒ शं विष्णुः॒ शं प्र॒जाप॑तिः ।
शं न॒ इन्द्रो॒ बृह॒स्पतिः॒ शं नो॑ भवत्वर्य॒मा ॥६॥

Sham no mitrah sham varunah sham vishnuh sham prajapatih
Sham na indro brihaspatih sham no bhavatvaryama

9.7

शं नो॑ मि॒त्रः शं वरु॑णः॒ शं वि॒वस्वां॒छमन्त॑कः ।
उत्पाताः॒ पार्थि॑वा॒न्तरि॑क्षाः॒ शं नो॑ दि॒विच॑रा॒ ग्रहाः॑ ॥७॥

Sham no mitrah sham varunah sham vivasvanchhamantakah
Utpatah parthivantarikshah sham no divichara grahah

9.8

शं नो॒ भूमि॑र्वेप्यमा॒ना शमु॒ल्का निर्ह॑तं च॒ यत्।
शं गावो॒ लोहि॑तक्षीराः॒ शं भूमि॒रव॑ तीर्य॒तीः ॥८॥

Sham no bhumirvepyamana shamulka nirhatam cha yat
Sham gavo lohitakshirah sham bhumirava tiryatih

9.9

नक्ष॑त्रमु॒ल्काभिह॑तं॒ शम॑स्तु नः॒ शं नो॑ऽभिचा॒राः शमु॑ सन्तु कृ॒त्याः ।
शं नो॒ निखा॑ता व॒ल्गाः शमु॒ल्का दे॑शोपस॒र्गाः शमु॑ नो भवन्तु ॥९॥

Nakshatramulkabhihatam shamastu nah sham nobhicharah shamu santu krityah
Sham no nikhata valgah shamulka deshopasargah shamu no bhavantu

9.10

शं नो॒ ग्रहा॑श्चान्द्रम॒साः शमा॑दि॒त्यश्च॑ राहु॒णा।
शं नो॑ मृ॒त्युर्धू॒मके॑तुः॒ शं रु॒द्रास्ति॒ग्मते॑जसः ॥१०॥

Sham no grahashchandramasah shamadityashcha rahuna
Sham no mrityurdhumaketuh sham rudrastigmatejasah

9.11

शं रु॒द्राः शं वसवः॒ शमा॑दि॒त्याः शम॒ग्नयः॑ ।
शं नो॑ मह॒र्षयो॑ दे॒वाः शं दे॒वाः शं बृह॒स्पतिः॑ ॥११॥

Sham rudrah sham vasavah shamadityah shamagnayah
Sham no maharshayo devah sham devah sham brihaspatih

9.12

ब्रह्म॑ प्र॒जाप॑तिर्धा॒ता लो॒का वे॒दाः स॑प्तऋ॒षयो॒ऽग्नयः॑ ।
तैर्मे॑ कृ॒तं स्व॒स्त्यय॑न॒मिन्द्रो॑ मे॒ शर्म॑ यच्छतु ब्र॒ह्मा मे॒ शर्म॑ यच्छतु ।
विश्वे॑ मे दे॒वाः शर्म॑ यच्छन्तु॒ सर्वे॑ मे दे॒वाः शर्म॑ यच्छन्तु ॥१२॥

Brahma prajapatirdhata loka vedah saptarishayognayah
Tairme kritam svastyayanamindro me sharma yachchhatu brahma me sharma yachchhatu
Vishve me devah sharma yachchhantu sarve me devah sharma yachchhantu

9.13

यानि॒ कानि॑ चिच्छा॒न्तानि॑ लो॒के स॑प्तऋ॒षयो॑ वि॒दुः ।
सर्वा॑णि॒ शं भ॑वन्तु मे॒ शं मे॑ अ॒स्त्वभ॑यं मे अस्तु ॥१३॥

Yani kani chichchhantani loke saptarishayo viduh
Sarvani sham bhavantu me sham me astvabhayam me astu

9.14

पृ॒थि॒वी शान्ति॑र॒न्तरि॑क्षं॒ शान्ति॒र्द्यौः शान्ति॒रापः॒ शान्ति॒रोष॑धयः॒ शान्ति॒र्वन॒स्पत॑यः॒ शान्ति॒र्विश्वे॑ मे दे॒वाः शान्तिः॒ सर्वे॑ मे दे॒वाः शान्तिः॒ शान्तिः॒ शान्तिः॒ शान्ति॑भिः ।
ताभिः॒ शान्ति॑भिः॒ सर्व॒ शान्ति॑भिः॒ शम॑यामो॒ऽहं यदि॒ह घो॒रं यदि॒ह क्रू॒रं यदि॒ह पा॒पं तच्छा॒न्तं तच्छि॒वं सर्व॑मे॒व शम॑स्तु नः ॥१४॥

Prithivi shantirantariksham shantirdyauh shantirapah shantiroshadhayah shantirvanaspatayah shantirvishve me devah shantih sarve me devah shantih shantih shantih shantibhih
Tabhih shantibhih sarva shantibhih shamayamoham yadiha ghoram yadiha kruram yadiha papam tachchhantam tachchhivam sarvameva shamastu nah