Sukta 37

37.1

Balapraptih, 1-4 atharva, agnih, 1 trishtup, 2 astarapanktih, 3 tripada mahabrihati, 4 ushnik

इ॒दं वर्चो॑ अ॒ग्निना॑ द॒त्तमाग॒न् भर्गो॒ यशः॒ सह॒ ओजो॒ वयो॒ बल॑म्।
त्रय॑स्त्रिंश॒द् यानि॑ च वी॒र्याणि॒ तान्य॒ग्निः प्र द॑दातु मे ॥१॥

Idam varcho agnina dattamagan bhargo yashah saha ojo vayo balam
Trayastrinshad yani cha viryani tanyagnih pra dadatu me

37.2

वर्च॒ आ धे॑हि मे त॒न्वां॒३ सह॒ ओजो॒ वयो॒ बल॑म्।
इ॒न्द्रि॒याय॑ त्वा॒ कर्म॑णे वी॒र्याय॒ प्रति॑ गृह्णामि श॒तशा॑रदाय ॥२॥

Varcha a dhehi me tanvan3 saha ojo vayo balam
Indriyaya tva karmane viryaya prati grihnami shatasharadaya

37.3

ऊ॒र्जे त्वा॒ बला॑य॒ त्वौज॑से॒ सह॑से त्वा ।
अ॒भि॒भूया॑य त्वा रा॒ष्ट्रभृ॑त्याय॒ पर्यू॑हामि श॒तशा॑रदाय ॥३॥

Urje tva balaya tvaujase sahase tva
Abhibhuyaya tva rashtrabhrityaya paryuhami shatasharadaya

37.4

ऋ॒तुभ्य॑ष्ट्वार्त॒वेभ्यो॑ मा॒द्भ्यः सं॑वत्स॒रेभ्यः॑ ।
धा॒त्रे वि॑धा॒त्रे स॒मृधे॑ भू॒तस्य॒ पत॑ये यजे ॥४॥

Ritubhyashtvartavebhyo madbhyah sanvatsarebhyah
Dhatre vidhatre samridhe bhutasya pataye yaje