Sukta 24

24.1

Shatrunivaranam, 1-4 brahma, asuri vanaspatih, anushtup, 2 nichritpathyapanktih

सु॒प॒र्णो जा॒तः प्र॑थ॒मस्तस्य॒ त्वं पि॒त्तमा॑सिथ ।
तदा॑सु॒री यु॒धा जि॒ता रू॒पं च॑क्रे॒ वन॒स्पती॑न् ॥१॥

Suparno jatah prathamastasya tvam pittamasitha
Tadasuri yudha jita rupam chakre vanaspatin

आ॒सु॒री च॑क्रे प्रथ॒मेदं कि॑लासभेष॒जमि॒दं कि॑लास॒नाश॑नम्।
अनी॑नशत् कि॒लासं॒ सरू॑पामकर॒त् त्वच॑म् ॥२॥

Asuri chakre prathamedam kilasabheshajamidam kilasanashanam
Aninashat kilasam sarupamakarat tvacham

सरू॑पा॒ नाम॑ ते मा॒ता सरू॑पो॒ नाम॑ ते पि॒ता।
स॒रू॒प॒कृत् त्वमो॑षधे॒ सा सरू॑पमि॒दं कृ॑धि ॥३॥

Sarupa nama te mata sarupo nama te pita
Sarupakrit tvamoshadhe sa sarupamidam kridhi

श्या॒मा स॑रूपं॒कर॑णी पृथि॒व्या अध्युद्भृ॑ता ।
इ॒दमू॒ षु प्र सा॑धय॒ पुना॑ रू॒पाणि॑ कल्पय ॥४॥

Shyama sarupankarani prithivya adhyudbhrita
Idamu shu pra sadhaya puna rupani kalpaya