অধ্যায় 2

2.1

অথ দ্বিতীয়োঽধ্যায়ঃ ।

কৃষ্ণোস্যাখরেষ্ঠোঽগ্নয়ে ত্বা জুষ্টং প্রোক্ষামি বেদিরসি বর্হিষে ত্বা জুষ্টাং প্রোক্ষামি ।
বর্হিরসি স্রুগ্ভ্যস্ত্বা জুষ্টং প্রোক্ষামি ॥১॥

2.2

অদিত্যৈ ব্যুন্দনমসি বিষ্ণো স্তুপোঽসি । ঊর্ণং ম্রদসং ত্বা স্তৃণামি স্বাসস্থাং দেবেভ্যঃ ॥২২॥

2.3

ভুবপতয়ে স্বাহা ভুবনপতয়ে স্বাহা । ভূতানাং পতয়ে স্বাহা।
গন্ধর্বস্ত্বা বিশ্বাবসুঃ পরিদধাতু বিশ্বস্যারিষ্ট্যৈ ॥৩৩॥

যজমানস্য পরিধিরস্যগ্নিরিল ঈলিতঃ । ইন্দ্রস্য বাহুরসি দক্ষিণো বিশ্বস্যারিষ্ট্যৈ।
যজমানস্য পরিধিরস্যগ্নিরিল ঈলিতঃ । মিত্রাবরুণৌ ত্বোত্তরতঃ পরিধত্তাং ধ্রুবেণ ধর্মণা বিশ্বস্যারিষ্ট্যৈ।
যজমানস্য পরিধিরস্যগ্নিরিল ঈলিতঃ ॥৪॥

2.5

বীতিহোত্রং ত্বা কবে দ্যুমন্তং সমিধীমহি । অগ্নে বৃহন্তমধ্বরে ॥৫॥

2.6

সমিদসি । সূর্যস্ত্বা পুরস্তাৎ পাতু কস্যাশ্চিদভিশস্ত্যৈ । সবিতুর্বাহূ স্থঃ ॥৬॥

2.7

৬॥
ঊর্ণং ম্রদসং ত্বা স্তৃণামি স্বাসস্থং দেবেভ্যঃ । আ ত্বা বসবো রুদ্রা আদিত্যাঃ সদন্তু ॥৭॥

2.8

ঘৃতাচ্যসি জুহূর্নাম সেদং প্রিয়েণ ধাম্না প্রিয়ে সদসি সীদ । ঘৃতাচ্যস্যুপভৃন্নাম সেদং প্রিয়েণ ধাম্না প্রিয়ে সদসি সীদ ।
ঘৃতাচ্যসি ধ্রুবা নাম সেদং প্রিয়েণ ধাম্না প্রিয়ে সদসি সীদ ।
প্রিয়েণ ধাম্না প্রিয়ে সদসি সীদ ॥৮॥

2.9

৮ (৫৮)
ধ্রুবা অসদন্নৃতস্য যোনৌ তা বিষ্ণো পাহি ।
পাহি যজ্ঞং পাহি যজ্ঞপতিং পাহি মাং যজ্ঞন্যম্ ॥৯॥

2.10

(১) ৯
অগ্নে বাজজিদ্বাজং ত্বা সরিষ্যন্তং বাজজিতং সম্মার্জ্মি ।
নমো দেবেভ্যঃ স্বধা পিতৃভ্যঃ সুয়মে মে ভূয়াস্তম্ ॥১॥

2.11

অস্কন্নমদ্যাজ্যং দেবেভ্যঃ সংভ্রিয়াসম্ । অঙ্ঘ্রিণা বিষ্ণো মা ত্বাবক্রমিষম্ ॥২১॥

2.12

১॥
বসুমতীমগ্নে তে ছায়ামুপস্থেষং বিষ্ণোঃ স্থানমসি । ইত ইন্দ্রো বীর্যমকৃণোদূর্ধ্বোঽধ্বর আস্থাৎ ॥৩১॥

2.13

২॥
অগ্নে বের্হোত্রং বের্দূত্যম্ । অবতাং ত্বাং দ্যাবাপৃথিবী অব ত্বং দ্যাবাপৃথিবী ॥৪॥

2.14

স্বিষ্টকৃদ্দেবেভ্য ইন্দ্র আজ্যেন হবিষা ভূৎ স্বাহা । সং জ্যোতিষা জ্যোতিঃ ॥৫॥

2.15

১৪॥
অত্র পিতরো মাদয়ধ্বং যথাভাগমাবৃষায়ধ্বম্ । অমী মদন্ত পিতরো যথাভাগমাবৃষায়িষত ॥৬॥

2.16

উপহূতা পৃথিবী মাতোপ মাং পৃথিবী মাতা হ্বয়তাম্ । অগ্নিরাগ্নীধ্রাৎ স্বাহা ॥৭॥

2.17

উপহূতো দ্যৌষ্পিতোপ মাং দ্যৌষ্পিতা হ্বয়তাম্ । অগ্নিরাগ্নীধ্রাৎ স্বাহা ॥৮॥

2.18

ময়ীদমিন্দ্র ইন্দ্রিয়ং দধাত্বস্মান্ রায়ো মঘবানঃ সচন্তাম্ ।
অস্মাকং সন্ত্বাশিষঃ সত্যা নঃ সন্ত্বাশিষঃ ।
অগ্নে বাজজিদ্বাজং ত্বা সসৃবাংসং বাজজিতং সম্মার্জ্মি ॥৯॥

2.19

(২) ১৮
দেব সবিতরেতং ত্বা বৃণতে বৃহস্পতিং ব্রহ্মাণম্। তদহং মনসে প্রব্রবীমি ॥১॥

2.20

মনো গায়ত্র্যৈ গায়ত্রী ত্রিষ্টুভে ত্রিষ্টুব্জগত্যৈ জগত্যনুষ্টুভে।
অনুষ্টপ্প্রজাপতয়ে প্রজাপতির্বিশ্বেভ্যো দেবেভ্যঃ ॥২॥

2.21

ব্রহস্পতির্দেবানাং ব্রহ্মাহং মনুষ্যাণাম্ । ভূর্ভুবঃ স্বর্নিরস্তঃ পাপ্মেদমহং বৃহস্পতেঃ সদসি সীদামি ॥৩॥

2.22

মিত্রস্য ত্বা চক্ষুষা প্রতীক্ষে । দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ ।
প্রতিগৃহ্ণামি পৃথিব্যাস্ত্বা নাভৌ সাদয়াম্যদিত্যা উপস্থে।
দেবস্য ত্বা সবিতুঃ প্রসবেঽশ্বিনোর্বাহুভ্যাং পূষ্ণো হস্তাভ্যাম্ ॥৪॥

2.23

আদদেঽগ্নেষ্ট্বাস্যেন প্রাশ্নামি বৃহস্পতের্মুখেন । যা অপ্স্বন্তর্দেবতাস্তা ইদং শময়ন্তু ॥৫॥

2.24

স্বাহাকৃতং জঠরামিন্দ্রস্য গছ। ঘসিনা মে মা সংপৃক্থা ঊর্ধ্ব মে নাভেঃ সীদ ॥৬॥

2.25

ইন্দ্রস্য ত্বা জঠরে সাদয়ামি। প্রজাপতের্ভাগোস্যূর্জস্বান্ পয়স্বান্ ॥৭॥

2.26

প্রাণাপানৌ মে পাহি সমানব্যানৌ মে পাহ্যুদানব্যানৌ মে পাহি।
ঊর্গস্যূর্জং ময়ি ধেহ্যক্ষিতিরসি মা মে ক্ষেষ্ঠা অমুত্রামুষ্মিংল্লোক ইহ চ ॥৮॥

2.27

এষা তে অগ্নে সমিত্তয়া বর্ধস্ব চা চ প্যায়স্ব । বর্ধিষীমহি চ বয়মা চ প্যাসিষীমহি ॥৯॥

2.28

২৭ (৭৭)
এতৎ তে দেব সবিতর্যজ্ঞং প্রাহুর্বৃহস্পতয়ে ব্রহ্মণে । তেন যজ্ঞমব তেন যজ্ঞপতিং তেন মামব ॥১০॥

2.29

২৮॥
মনোজ্যোতির্জুষতামাজ্যস্য বৃহস্পতির্যজ্ঞমিমং তনোতু ।
অরিষ্টং যজ্ঞং সমিমং দধাতু বিশ্বে দেবাস ইহ মাদয়ন্তামোং প্রতিষ্ঠ ॥১১॥

2.30

(৩) ২৯
অগ্নীষোময়োরুজ্জিতিমনূজ্জেষং বাজস্য মা প্রসবেন প্রোহামি ।
অগ্নীষোমৌ তমপনুদতাং যোঽস্মান্ দ্বেষ্টি যং চ বয়ং দ্বিষ্মো বাজস্যৈনং প্রসবেনাপোহামি ।
ইন্দ্রাগ্ন্যোরুজ্জিতিমনূজ্জেষং বাজস্য মা প্রসবেন প্রোহামি ।
ইন্দ্রাগ্নী তমপনুদতাং যোঽস্মান্ দ্বেষ্টি যং চ বয়ং দ্বিষ্মো বাজস্যৈনং প্রসবেনাপোহামি ॥১॥

2.31

বসুভ্যস্ত্বা রুদ্রেভ্যস্ত্বাদিত্যেভ্যস্ত্বা । সংজানাথাং দ্যাবাপৃথিবী মিত্রাবরুণৌ ত্বা বৃষ্ট্যাবতাম্ ॥২॥

2.32

ব্যন্তু বয়োরিপ্তো রিহাণা মরুতাং পৃষতীং গছ। বশা পৃশ্নির্ভূত্বা দিবং গছ ততো নো বৃষ্টিমাবহ ॥৩॥

2.33

চক্ষুষ্পা অসি চক্ষুর্মে পাহি ।যং পরিধিং পর্যধত্থা অগ্নে দেব পণিভির্গুহ্যমানঃ ॥৪॥

2.34

তং ত এতমনু জোষং ভরাম্যেষ নেত্ত্বদপচেতয়াতৈ । অগ্নেঃ প্রিয়ং পাথোঽপীতম্ ॥৫॥

2.35

সং স্রবভাগা স্থেষা বৃহন্তঃ প্রস্তরেষ্ঠাঃ পরিধয়শ্চ দেবাঃ ।
ইমাং বাচমভি বিশ্বে গৃণন্ত আসদ্যাস্মিন্ বর্হিষি মাদয়ধ্বং স্বাহা বাট্ ।
ঘৃতাচী স্থো ধুর্যৌ পাতং সুম্নে স্থঃ সুম্নে মাং ধত্তম্ ॥৬॥

2.36

(৪) ৩৫
অগ্নেঽদব্ধায়োঽশীতম পাহি মা দিদ্যোঃ পাহি প্রসিত্যৈ পাহি দুরিষ্ট্যৈ পাহি দুরদ্মন্যৈ ।
অবিষং নঃ পিতুং কৃণু সুষদা যোনৌ স্বাহা বাট্ ॥১॥

2.37

অগ্নয়ে সংবেশপতয়ে স্বাহা সরস্বত্যৈ যশোভগিন্যৈ স্বাহা ।
উলূখলে মুসলে যচ্চ শূর্প আশিশ্লেষ দৃষদি যৎ কপালে ॥২॥

2.38

উত্প্রুষো বিপ্রুষঃ সং জুহোমি সত্যাঃ সন্তু যজমানস্য কামাঃ স্বাহা।
আপ্যায়তাং ধ্রুবা হবিষা ঘৃতেন যজ্ঞং যজ্ঞং প্রতি দেবয়দ্ভয়ঃ॥
সূর্যায়া ঊধো অদিত্যা উপস্থ উরুধারা পৃথিবী যজ্ঞে অস্মিন্ ॥৩৩॥

2.39

৮॥
দেবা গাতুবিদো গাতুমিত্ত্বা গাতুমিত । মনসস্পত ইমং দেব যজ্ঞং স্বাহা বাতে ধাঃ ॥৪॥

2.40

সংবর্হিরঙ্ক্তাং হবিষা ঘৃতেন সমাদিত্যৈর্বসুভিঃ সং মরুদ্ভিঃ ।
সমিন্দ্রো বিশ্বদেবেভিরঙ্ক্তাং দিব্যং নভো গচ্ছতু যৎ স্বাহা ॥৫॥

2.41

কস্ত্বা বিমুঞ্চতি স ত্বা বিমুঞ্চতি কস্মৈ ত্বা বিমুঞ্চতি তস্মৈ ত্বা বিমুঞ্চতি ।
পোষায় রক্ষসাং ভাগোঽসি ॥৬॥

2.42

বেষোঽস্যুপবেষো দ্বিষতো গ্রীবা উপবেবিঢ্ঢি । বেশাং অগ্নে সুভগ ধারয়েহ ॥৭॥

2.43

৪২ (৯২)
ঋদ্ধাঃ কর্মণ্যা অনপায়িনো যথাসন্॥
জুহোমি ত্বা সুভগ সৌভগায় পুরূতমং পুরুহূত শ্রবস্যন্ ॥৮॥

2.44

(৫) ৪৩
সং বর্চসা পয়সা সং তনূভিরগন্মহি মনসা সং শিবেন ।
ত্বষ্টা সুদত্রো বিদধাতু রায়োনুমার্ষ্টু তন্বো যদ্বিলিষ্টম্ ॥১॥

2.45

যজ্ঞ শং চ ত উপ চ । শিবে মে সংতিষ্ঠস্বারিষ্টে মে সংতিষ্ঠস্ব স্বিষ্টে মে সংতিষ্ঠস্ব ॥২॥

2.46

দিবি বিষ্ণুর্ব্যক্রংস্ত জাগতেন ছন্দসা ততো নির্ভক্তঃ। যোঽস্মান্ দ্বেষ্টি যং চ বয়ং দ্বিষ্মঃ ।
অন্তরিক্ষে বিষ্ণুর্ব্যক্রংস্ত ত্রৈষ্টুভেন ছন্দসা ততো নির্ভক্তঃ । যোঽস্মান্ দ্বেষ্টি যং চ বয়ং দ্বিষ্মঃ ।
পৃথিব্যাং বিষ্ণুর্ব্যক্রংস্ত গায়ত্রেণ ছন্দসা ততো নির্ভক্তঃ । যোঽস্মান্ দ্বেষ্টি যং চ বয়ং দ্বিষ্মঃ ॥৩॥