Utshovসর্গ 78
78.1
অত্র যাত্রাম্ সমীহন্তম্ শত্রুঘ্নঃ লক্ষ্মণ অনুজঃ ।
ভরতম্ শোক সম্তপ্তম্ ইদম্ বচনম্ অব্রবীৎ ॥২-৭৮-১॥
78.2
গতির্ যঃ সর্ব ভূতানাম্ দুহ্খে কিম্ পুনর্ আত্মনঃ ।
স রামঃ সত্ত্ব সম্পন্নঃ স্ত্রিয়া প্রব্রাজিতঃ বনম্ ॥২-৭৮-২॥
78.3
বলবান্ বীর্য সম্পন্নো লক্ষ্মণো নাম যো অপি অসৌ ।
কিম্ ন মোচয়তে রামম্ কৃত্বা অপি পিতৃ নিগ্রহম্ ॥২-৭৮-৩॥
78.4
পূর্বম্ এব তু নিগ্রাহ্যঃ সমবেক্ষ্য নয় অনয়ৌ ।
উত্পথম্ যঃ সমারূঢো নার্যা রাজা বশম্ গতঃ ॥২-৭৮-৪॥
78.5
ইতি সম্ভাষমাণে তু শত্রুঘ্নে লক্ষ্মণ অনুজে ।
প্রাগ্ দ্বারে অভূৎ তদা কুব্জা সর্ব আভরণ ভূষিতা ॥২-৭৮-৫॥
78.6
লিপ্তা চন্দন সারেণ রাজ বস্ত্রাণি বিভ্রতী ।
বিবিধম্ বিবিধৈস্তৈস্তৈর্ভূষণৈশ্চ বিভূষিতা ॥২-৭৮-৬॥
78.7
মেখলা দামভিঃ চিত্রৈ রজ্জু বদ্ধা ইব বানরী ।
বভাসে বহুভির্বদ্ধা রজ্জুবদ্দেব বানরী ॥২-৭৮-৭॥
78.8
তাম্ সমীক্ষ্য তদা দ্বাহ্স্থো ভৃশম্ পাপস্য কারিণীম্ ।
গৃহীত্বা অকরুণম্ কুব্জাম্ শত্রুঘ্নায় ন্যবেদয়ৎ ॥২-৭৮-৮॥
78.9
যস্যাঃ কৃতে বনে রামঃ ন্যস্ত দেহঃ চ বঃ পিতা ।
সা ইয়ম্ পাপা নৃশম্সা চ তস্যাঃ কুরু যথা মতি ॥২-৭৮-৯॥
78.10
শত্রুঘ্নঃ চ তৎ আজ্ঞায় বচনম্ ভৃশ দুহ্খিতঃ ।
অন্তঃ পুর চরান্ সর্বান্ ইতি উবাচ ধৃত ব্রতঃ ॥২-৭৮-১০॥
78.11
তীব্রম্ উত্পাদিতম্ দুহ্খম্ ভ্রাতৃঋণাম্ মে তথা পিতুঃ ।
যয়া সা ইয়ম্ নৃশম্সস্য কর্মণঃ ফলম্ অশ্নুতাম্ ॥২-৭৮-১১॥
78.12
এবম্ উক্তা চ তেন আশু সখী জন সমাবৃতা ।
গৃহীতা বলবৎ কুব্জা সা তৎ গৃহম্ অনাদয়ৎ ॥২-৭৮-১২॥
78.13
ততঃ সুভৃশ সম্তপ্তঃ তস্যাঃ সর্বঃ সখী জনঃ ।
ক্রুদ্ধম্ আজ্ঞায় শত্রুঘ্নম্ ব্যপলায়ত সর্বশঃ ॥২-৭৮-১৩॥
78.14
অমন্ত্রয়ত কৃত্স্নঃ চ তস্যাঃ সর্ব সখী জনঃ ।
যথা অয়ম্ সমুপক্রান্তঃ নিহ্শেষম্ নঃ করিষ্যতি ॥২-৭৮-১৪॥
78.15
সানুক্রোশাম্ বদান্যাম্ চ ধর্মজ্ঞাম্ চ যশস্বিনীম্ ।
কৌসল্যাম্ শরণম্ যামঃ সা হি নো অস্তু ধ্রুবা গতিঃ ॥২-৭৮-১৫॥
78.16
স চ রোষেণ তাম্র অক্ষঃ শত্রুঘ্নঃ শত্রু তাপনঃ ।
বিচকর্ষ তদা কুব্জাম্ ক্রোশন্তীম্ পৃথিবী তলে ॥২-৭৮-১৬॥
78.17
তস্যা হি আকৃষ্যমাণায়া মন্থরায়াঃ ততঃ ততঃ ।
চিত্রম্ বহু বিধম্ ভাণ্ডম্ পৃথিব্যাম্ তৎ ব্যশীর্যত ॥২-৭৮-১৭॥
78.18
তেন ভাণ্ডেন সম্কীর্ণম্ শ্রীমদ্ রাজ নিবেশনম্ ।
অশোভত তদা ভূয়ঃ শারদম্ গগনম্ যথা ॥২-৭৮-১৮॥
78.19
স বলী বলবৎ ক্রোধাৎ গৃহীত্বা পুরুষ ঋষভঃ ।
কৈকেয়ীম্ অভিনির্ভর্ত্স্য বভাষে পরুষম্ বচঃ ॥২-৭৮-১৯॥
78.20
তৈঃ বাক্যৈঃ পরুষৈঃ দুহ্খৈঃ কৈকেয়ী ভৃশ দুহ্হিতা ।
শত্রুঘ্ন ভয় সম্ত্রস্তা পুত্রম্ শরণম্ আগতা ॥২-৭৮-২০॥
78.21
তাম্ প্রেক্ষ্য ভরতঃ ক্রুদ্ধম্ শত্রুঘ্নম্ ইদম্ অব্রবীৎ ।
অবধ্যাঃ সর্ব ভূতানাম্ প্রমদাঃ ক্ষম্যতাম্ ইতি ॥২-৭৮-২১॥
78.22
হন্যাম্ অহম্ ইমাম্ পাপাম্ কৈকেয়ীম্ দুষ্ট চারিণীম্ ।
যদি মাম্ ধার্মিকো রামঃ ন অসূয়েন্ মাতৃ ঘাতকম্ ॥২-৭৮-২২॥
78.23
ইমাম্ অপি হতাম্ কুব্জাম্ যদি জানাতি রাঘবঃ ।
ত্বাম্ চ মাম্ চৈব ধর্ম আত্মা ন অভিভাষিষ্যতে ধ্রুবম্ ॥২-৭৮-২৩॥
78.24
ভরতস্য বচঃ শ্রুত্বা শত্রুঘ্নঃ লক্ষ্মণ অনুজঃ ।
ন্যবর্তত ততঃ রোষাৎ তাম্ মুমোচ চ মন্থরাম্ ॥২-৭৮-২৪॥
78.25
সা পাদ মূলে কৈকেয্যা মন্থরা নিপপাত হ ।
নিহ্শ্বসন্তী সুদুহ্খ আর্তা কৃপণম্ বিললাপ চ ॥২-৭৮-২৫॥
78.26
শত্রুঘ্ন বিক্ষেপ বিমূঢ সম্জ্ঞাম্ ।
সমীক্ষ্য কুব্জাম্ ভরতস্য মাতা ।শনৈঃ সমাশ্বাসয়দ্ আর্ত রূপাম্ ।ক্রৌন্চীম্ বিলগ্নাম্ ইব বীক্ষমাণাম্ ॥২-৭৮-২৬॥