সূক্ত 9

9.1

২১ শশকর্ণঃ কাণ্বঃ ।অশ্বিনৌ । অনুষ্টুপ্ ; ১,৪,৬,১৪-১৫ বৃহতী ; ২,৩,২০,২১ গায়ত্রী ; ৫ ককুপ্ ; ১০ ত্রিষ্টুপ্ , বিরাট্, ১২ জগতী ।

আ নূনমশ্বিনা যুবং বত্সস্য গন্তমবসে । প্রাস্মৈ যচ্ছতমবৃকং পৃথু চ্ছর্দির্যুয়ুতং যা অরাতয়ঃ ॥১॥

যদন্তরিক্ষে যদ্দিবি যত্পঞ্চ মানুষাঁ অনু । নৃম্ণং তদ্ধত্তমশ্বিনা ॥২॥

যে বাং দংসাংস্যশ্বিনা বিপ্রাসঃ পরিমামৃশুঃ । এবেত্কাণ্বস্য বোধতম্ ॥৩॥

অয়ং বাং ঘর্মো অশ্বিনা স্তোমেন পরি ষিচ্যতে । অয়ং সোমো মধুমান্বাজিনীবসূ যেন বৃত্রং চিকেতথঃ ॥৪॥

যদপ্সু যদ্বনস্পতৌ যদোষধীষু পুরুদংসসা কৃতম্ । তেন মাবিষ্টমশ্বিনা ॥৫॥

যন্নাসত্যা ভুরণ্যথো যদ্বা দেব ভিষজ্যথঃ । অয়ং বাং বত্সো মতিভির্ন বিন্ধতে হবিষ্মন্তং হি গচ্ছথঃ ॥৬॥

আ নূনমশ্বিনোৠষিঃ স্তোমং চিকেত বাময়া । আ সোমং মধুমত্তমং ঘর্মং সিঞ্চাদথর্বণি ॥৭॥

আ নূনং রঘুবর্তনিং রথং তিষ্ঠাথো অশ্বিনা । আ বাং স্তোমা ইমে মম নভো ন চুচ্যবীরত ॥৮॥

যদদ্য বাং নাসত্যোক্থৈরাচুচ্যুবীমহি । যদ্বা বাণীভিরশ্বিনেবেত্কাণ্বস্য বোধতম্ ॥৯॥

যদ্বাং কক্ষীবাঁ উত যদ্ব্যশ্ব ঋষির্যদ্বাং দীর্ঘতমা জুহাব ।
পৃথী যদ্বাং বৈন্যঃ সাদনেষ্বেবেদতো অশ্বিনা চেতয়েথাম্ ॥১০॥

যাতং ছর্দিষ্পা উত নঃ পরস্পা ভূতং জগত্পা উত নস্তনূপা । বর্তিস্তোকায় তনয়ায় যাতম্ ॥১১॥

যদিন্দ্রেণ সরথং যাথো অশ্বিনা যদ্বা বায়ুনা ভবথঃ সমোকসা ।
যদাদিত্যেভিৠভুভিঃ সজোষসা যদ্বা বিষ্ণোর্বিক্রমণেষু তিষ্ঠথঃ ॥১২॥

যদদ্যাশ্বিনাবহং হুবেয় বাজসাতয়ে । যত্পৃত্সু তুর্বণে সহস্তচ্ছ্রেষ্ঠমশ্বিনোরবঃ ॥১৩॥

আ নূনং যাতমশ্বিনেমা হব্যানি বাং হিতা । ইমে সোমাসো অধি তুর্বশে যদাবিমে কণ্বেষু বামথ ॥১৪॥

যন্নাসত্যা পরাকে অর্বাকে অস্তি ভেষজম্ । তেন নূনং বিমদায় প্রচেতসা ছর্দির্বত্সায় যচ্ছতম্ ॥১৫॥

অভুত্স্যু প্র দেব্যা সাকং বাচাহমশ্বিনোঃ । ব্যাবর্দেব্যা মতিং বি রাতিং মর্ত্যেভ্যঃ ॥১৬॥

প্র বোধয়োষো অশ্বিনা প্র দেবি সূনৃতে মহি । প্র যজ্ঞহোতরানুষক্প্র মদায় শ্রবো বৃহৎ ॥১৭॥

যদুষো যাসি ভানুনা সং সূর্যেণ রোচসে । আ হায়মশ্বিনো রথো বর্তির্যাতি নৃপায্যম্ ॥১৮॥

যদাপীতাসো অংশবো গাবো ন দুহ্র ঊধভিঃ । যদ্বা বাণীরনূষত প্র দেবয়ন্তো অশ্বিনা ॥১৯॥

প্র দ্যুম্নায় প্র শবসে প্র নৃষাহ্যায় শর্মণে । প্র দক্ষায় প্রচেতসা ॥২০॥

যন্নূনং ধীভিরশ্বিনা পিতুর্যোনা নিষীদথঃ । যদ্বা সুম্নেভিরুক্থ্যা ॥২১॥