সূক্ত 69

69.1

৪ উরুচক্রিরাত্রেয়ঃ। মিত্রাবরুণৌ। ত্রিষ্টুপ্।

ত্রী রোচনা বরুণ ত্রীঁরুত দ্যূন্ ত্রীণি মিত্র ধারয়থো রজাংসি ।
বাবৃধানাবমতিং ক্ষত্রিয়স্যাঽনু ব্রতং রক্ষমাণাবজুর্যম্ ॥১॥

69.2

ইরাবতীর্বরুণ ধেনবো বাং মধুমদ্ বাং সিন্ধবো মিত্র দুহ্রে ।
ত্রয়স্তস্থুর্বৃষভাসস্তিসৃণাং ধিষণানাং রেতোধা বি দ্যুমন্তঃ ॥২॥

69.3

প্রাতর্দেবীমদিতিং জোহবীমি মধ্যংদিন উদিতা সূর্যস্য ।
রায়ে মিত্রাবরুণা সর্বতাতেলে তোকায় তনয়ায় শং যোঃ ॥৩॥

69.4

যা ধর্তারা রজসো রোচনস্যোতাদিত্যা দিব্যা পার্থিবস্য ।
ন বাং দেবা অমৃতা আ মিনন্তি ব্রতানি মিত্রাবরুণা ধ্রুবাণি ॥৪॥