সূক্ত 18

18.1

৫ দ্বিতো মৃক্তবাহা আত্রেয়ঃ। অগ্নিঃ। অনুষ্টুপ্, ৫ পংক্তিঃ।

প্রাতরগ্নিঃ পুরুপ্রিয়ো বিশঃ স্তবেতাতিথিঃ ।
বিশ্বানি যো অমর্ত্যো হব্যা মর্তেষু রণ্যতি ॥১॥

দ্বিতায় মৃক্তবাহসে স্বস্য দক্ষস্য মংহনা ।
ইন্দুং স ধত্ত আনুষক্ স্তোতা চিত্তে অমর্ত্য ॥২॥

তং বো দীর্ঘায়ুশোচিষং গিরা হুবে মঘোনাম্ ।
অরিষ্টো যেষাং রথো ব্যশ্বদাবন্নীয়তে ॥৩॥

চিত্রা বা যেষু দীধিতিরাসন্নুক্থা পান্তি যে ।
স্তীর্ণং বর্হিঃ স্বর্ণরে শ্রবাংসি দধিরে পরি ॥৪॥

যে মে পঞ্চাশতং দদুরশ্বানাং সধস্তুতি ।
দ্যুমদগ্নে মহি শ্রবো বৃহৎ কৃধি মঘোনাং নৃবদমৃত নৃণাম্ ॥৫॥