সূক্ত 6

6.1

৭ ত্রিত আপ্ত্যঃ। অগ্নিঃ। ত্রিষ্টুপ্।

অয়ং স যস্য শর্মন্নবোভিরগ্নেরেধতে জরিতাভিষ্টৌ ।
জ্যেষ্ঠেভির্যো ভানুভিৠষূণাং পর্যেতি পরিবীতো বিভাবা ॥১॥

6.2

যো ভানুভির্বিভাবা বিভাত্যগ্নির্দেবেভিৠতাবাজস্রঃ ।
আ যো বিবায় সখ্যা সখিভ্যোঽপরিহ্বৃতো অত্যো ন সপ্তিঃ ॥২॥

6.3

ঈশে যো বিশ্বস্যা দেববীতেরীশে বিশ্বায়ুরুষসো ব্যুষ্টৌ । আ যস্মিন্মনা হবীংষ্যগ্নাবরিষ্টরথঃ স্কভ্নাতি শূষৈঃ ॥৩॥

6.4

শূষেভির্বৃধো জুষাণো অর্কৈর্দেবাঁ অচ্ছা রঘুপত্বা জিগাতি ।
মন্দ্রো হোতা স জুহ্বা৩ যজিষ্ঠঃ সম্মিশ্লো অগ্নিরা জিঘর্তি দেবান্ ॥৪॥

6.5

তমুস্রামিন্দ্রং ন রেজমানমগ্নিং গীর্ভির্নমোভিরা কৃণুধ্বম্ ।
আ যং বিপ্রাসো মতিভির্গৃণন্তি জাতবেদসং জুহ্বং সহানাম্ ॥৫॥

6.6

সং যস্মিন্বিশ্বা বসূনি জগ্মুর্বাজে নাশ্বাঃ সপ্তীবন্ত এবৈঃ ।
অস্মে ঊতীরিন্দ্রবাততমা অর্বাচীনা অগ্ন আ কৃণুষ্ব ॥৬॥

6.7

অধা হ্যগ্নে মহ্না নিষদ্যা সদ্যো জজ্ঞানো হব্যো বভূথ ।
তং তে দেবাসো অনু কেতমায়ন্নধাবর্ধন্ত প্রথমাস ঊমাঃ ॥৭॥