সূক্ত 46

46.1

১০ বত্সপ্রির্ভালন্দনঃ। অগ্নিঃ। ত্রিষ্টুপ্।

প্র হোতা জাতো মহান্নভোবিন্নৃষদ্বা সীদদপামুপস্থে ।
দধির্যো ধায়ি স তে বয়াংসি যন্তা বসূনি বিধতে তনূপাঃ ॥১॥

46.2

ইমং বিধন্তো অপাং সধস্থে পশুং ন নষ্টং পদৈরনু গ্মন্ ।
গুহা চতন্তমুশিজো নমোভিরিচ্ছন্তো ধীরা ভৃগবোঽবিন্দন্ ॥২॥

46.3

ইমং ত্রিতো ভূর্যবিন্দদিচ্ছন্বৈভূবসো মূর্ধন্যঘ্ন্যায়াঃ ।
স শেবৃধো জাত আ হর্ম্যেষু নাভির্যুবা ভবতি রোচনস্য ॥৩॥

46.4

মন্দ্রং হোতারমুশিজো নমোভিঃ প্রাঞ্চং যজ্ঞং নেতারমধ্বরাণাম্ ।
বিশামকৃণ্বন্নরতিং পাবকং হব্যবাহং দধতো মানুষেষু ॥৪॥

46.5

প্র ভূর্জয়ন্তং মহাং বিপোধাং মূরা অমূরং পুরাং দর্মাণম্ ।
নয়ন্তো গর্ভং বনাং ধিয়ং ধুর্হিরিশ্মশ্রুং নার্বাণং ধনর্চম্ ॥৫॥

46.6

নি পস্ত্যাসু ত্রিতঃ স্তভূয়ন্পরিবীতো যোনৌ সীদদন্তঃ ।
অতঃ সংগৃভ্যা বিশাং দমূনা বিধর্মণায়ন্ত্রৈরীয়তে নৄন্ ॥৬॥

46.7

অস্যাজরাসো দমামরিত্রা অর্চদ্ধূমাসো অগ্নয়ঃ পাবকাঃ ।
শ্বিতীচয়ঃ শ্বাত্রাসো ভুরণ্যবো বনর্ষদো বায়বো ন সোমাঃ ॥৭॥

46.8

প্র জিহ্বয়া ভরতে বেপো অগ্নিঃ প্র বয়ুনানি চেতসা পৃথিব্যাঃ ।
তমায়বঃ শুচয়ন্তং পাবকং মন্দ্রং হোতারং দধিরে যজিষ্ঠম্ ॥৮॥

46.9

দ্যাবা যমগ্নিং পৃথিবী জনিষ্টামাপস্ত্বষ্টা ভৃগবো যং সহোভিঃ ।
ঈলেন্যং প্রথমং মাতরিশ্বা দেবাস্ততক্ষুর্মনবে যজত্রম্ ॥৯॥

46.10

যং ত্বা দেবা দধিরে হব্যবাহং পুরুস্পৃহো মানুষাসো যজত্রম্ ।
স যামন্নগ্নে স্তুবতে বয়ো ধাঃ প্র দেবয়ন্যশসঃ সং হি পূর্বীঃ ॥১০॥