সূক্ত 156

156.1

৫ কেতুরাগ্নেয়ঃ। অগ্নিঃ। গায়ত্রী।

অগ্নিং হিন্বন্তু নো ধিয়ঃ সপ্তিমাশুমিবাজিষু । তেন জেষ্ম ধনংধনম্ ॥১॥

156.2

যয়া গা আকরামহে সেনয়াগ্নে তবোত্যা । তাং নো হিন্ব মঘত্তয়ে ॥২॥

156.3

আগ্নে স্থূরং রয়িং ভর পৃথুং গোমন্তমশ্বিনম্ । অঙ্ধি খং বর্তয়া পণিম্ ॥৩॥

156.4

অগ্নে নক্ষত্রমজরমা সূর্যং রোহয়ো দিবি । দধজ্জ্যোতির্জনেভ্যঃ ॥৪॥

156.5

অগ্নে কেতুর্বিশামসি প্রেষ্ঠঃ শ্রেষ্ঠ উপস্থসৎ । বোধা স্তোত্রে বয়ো দধৎ ॥৫॥