সূক্ত 145

145.1

৬ ইন্দ্রাণী।সপত্নীবাধনম্ (উপনিষত্) । অনুষ্টুপ্ , ৬ পংক্তিঃ।

ইমাং খনাম্যোষধিং বীরুধং বলবত্তমাম্ । যয়া সপত্নীং বাধতে যয়া সংবিন্দতে পতিম্ ॥১॥

145.2

উত্তানপর্ণে সুভগে দেবজূতে সহস্বতি । সপত্নীং মে পরা ধম পতিং মে কেবলং কুরু ॥২॥

145.3

উত্তরাহমুত্তর উত্তরেদুত্তরাভ্যঃ । অথা সপত্নী যা মমাঽধরা সাধরাভ্যঃ ॥৩॥

145.4

নহ্যস্যা নাম গৃভ্ণামি নো অস্মিন্রমতে জনে । পরামেব পরাবতং সপত্নীং গময়ামসি ॥৪॥

145.5

অহমস্মি সহমানাঽথ ত্বমসি সাসহিঃ । উভে সহস্বতী ভূত্বী সপত্নীং মে সহাবহৈ ॥৫॥

145.6

উপ তেঽধাং সহমানামভি ত্বাধাং সহীয়সা ।
মামনু প্র তে মনো বত্সং গৌরিব ধাবতু পথা বারিব ধাবতু ॥৬॥