সূক্ত 67

67.1

১০ পরাশরঃ শাক্ত্যঃ। অগ্নিঃ। দ্বিপদা বিরাট্।

বনেষু জায়ুর্মর্তেষু মিত্রো বৃণীতে শ্রুষ্টিং, রাজেবাজুর্যম্ ১
ক্ষেমো ন সাধুঃ, ক্রতুর্ন ভদ্রো ভুবত্স্বাধী, র্হোতা হব্যবাট্ ॥১॥

67.2

হস্তে দধানো, নৃম্ণা বিশ্বান্যমে দেবান্ ধাদ্ গুহা নিষীদন্ ৩
বিদন্তীমত্র, নরো ধিয়ংধা হৃদা যৎ তষ্টান্ মন্ত্রাঁ অশংসন্ ॥২॥

67.3

অজো ন ক্ষাং, দাধার পৃথিবীং তস্তম্ভ দ্যাং মন্ত্রেভিঃ সত্যৈঃ ৫
প্রিয়া পদানি, পশ্বো নি পাহি বিশ্বায়ুরগ্নে, গুহা গুহং গাঃ ॥৩॥

67.4

য ঈং চিকেত, গুহা ভবন্তমা যঃ সসাদ ধারামৃতস্য ৭
বি যে চৃতন্ত্যৃতা সপন্ত আদিদ্ বসূনি প্র ববাচাস্মৈ ॥৪॥

67.5

বি যো বীরুত্সু, রোধন্মহিত্বোত প্রজা, উত প্রসূষ্বন্তঃ ৯
চিত্তিরপাং, দমে বিশ্বায়ুঃ সদ্মেব ধীরাঃ, সংমায় চক্রুঃ ॥৫॥