সূক্ত 3

3.1

১২ মধুচ্ছন্দা বৈশ্বামিত্রঃ। ১-৩ অশ্বিনৌ, ৪-৬ ইন্দ্র, ৭-৯ বিশ্বেদেবাঃ, ১০-১২ সরস্বতী। গায়ত্রী।

অশ্বিনা যজ্বরীরিষো দ্রবত্পাণী শুভস্পতী। পুরুভুজা চনস্যতম্ ॥১॥

3.2

অশ্বিনা পুরুদংসসা নরা শবীরয়া ধিয়া। ধিষ্ণ্যা বনতং গিরঃ ॥২॥

3.3

দস্রা যুবাকবঃ সুতা নাসত্যা বৃক্তবর্হিষঃ। আ যাতং রুদ্রবর্তনী ॥৩॥

3.4

ইন্দ্রা যাহি চিত্রভানো সুতা ইমে ত্বায়বঃ। অণ্বীভিস্তনা পূতাসঃ ॥৪॥

3.5

ইন্দ্রা যাহি ধিয়েষিতো বিপ্রজূতঃ সুতাবতঃ। উপ ব্রহ্মাণি বাঘতঃ ॥৫॥

3.6

ইন্দ্রা যাহি তূতুজান উপ ব্রহ্মাণি হরিবঃ। সুতে দধিষ্ব নশ্চনঃ ॥৬॥

3.7

ওমাসশ্চর্ষণীধৃতো বিশ্বে দেবাস আ গত। দাশ্বাংসো দাশুষঃ সুতম্ ॥৭॥

3.8

বিশ্বে দেবাসো অপ্তুরঃ সুতমা গন্ত তূর্ণয়ঃ। উস্রা ইব স্বসরাণি ॥৮॥

3.9

বিশ্বে দেবাসো অস্রিধ এহিমায়াসো অদ্রুহঃ। মেধং জুষন্ত বহ্নয়ঃ ॥৯॥

3.10

পাবকা নঃ সরস্বতী বাজেভির্বাজিনীবতী। যজ্ঞং বষ্টু ধিয়াবসুঃ ॥১০॥

3.11

চোদয়িত্রী সূনৃতানাং চেতন্তী সুমতীনাম্। যজ্ঞং দধে সরস্বতী ॥১১॥

3.12

মহো অর্ণঃ সরস্বতী প্র চেতয়তি কেতুনা। ধিয়ো বিশ্বা বি রাজতি ॥১২॥