অথর্ববেদ 6.19

সর্বো বা এষোঽজগ্ধপাপ্মা যস্যান্নং নাশ্নন্তি ।৯। ২৬॥
সর্বদা বা এষ যুক্তগ্রাবার্দ্রপবিত্রো বিততাধ্বর আহৃতয়জ্ঞক্রতুর্য উপহরতি ।১০। ২৭॥
প্রাজাপত্যো বা এতস্য যজ্ঞো বিততো য উপহরতি ।১১। ২৮॥
প্রজাপতের্বা এষ বিক্রমাননুবিক্রমতে য উপহরতি ।১২। ২৯॥
যোঽতিথীনাং স আহবনীয়ো যো বেশ্মনি স গার্হপত্যো যস্মিন্ পচন্তি স দক্ষিণাগ্নিঃ।১৩ । ৩০॥
(৩)
৩১-৩৯ (১-৯) ১-৬, ৯ ত্রিপদা পিপীলিকমধ্যা গায়ত্রী, ৭ সাম্নী বৃহতী, ৮ পিপীলিকমধ্যোষ্ণিক্।
ইষ্টং চ বা এষ পূর্তং চ গৃহাণামশ্নাতি যঃ পূর্বোঽতিথেরশ্নাতি ।১। ৩১॥
পয়শ্চ বা এষ রসং চ গৃহাণামশ্নাতি যঃ পূর্বোঽতিথেরশ্নাতি ।২। ৩২॥
ঊর্জাং চ বা এষ স্ফাতিং চ গৃহাণামশ্নাতি যঃ পূর্বোঽতিথেরশ্নাতি ।৩। ৩৩॥
প্রজাং চ বা এষ পশূংশ্চ গৃহাণামশ্নাতি যঃ পূর্বোঽতিথেরশ্নাতি ।৪। ৩৪॥
কীর্তিং চ বা এষ যশশ্চ গৃহাণামশ্নাতি যঃ পূর্বোঽতিথেরশ্নাতি ।৫। ৩৫॥
শ্রিয়ং চ বা এষ সংবিদং চ গৃহাণামশ্নাতি যঃ পূর্বোঽতিথেরশ্নাতি ।৬। ৩৬॥
এষ বা অতিথির্যচ্ছ্রোত্রিয়স্তস্মাৎ পূর্বো নাশ্নীয়াৎ ।৭। ৩৭॥
অশিতাবত্যতিথাবশ্নীয়াদ্ যজ্ঞস্য সাত্মত্বায় যজ্ঞস্যাবিচ্ছেদায় তদ্ ব্রতম্ ।৮। ৩৮॥
এতদ্ বা উ স্বাদীয়ো যদধিগবং ক্ষীরং বা মাংসং বা তদেব নাশ্নীয়াৎ ।৯। ৩৯॥
(৪)
৪০-৪৪ (১-১০) ১-৪ প্রাজাপত্যানুষ্টুপ্, ২-৫ ত্রিপদা গায়ত্রী, ৯ ভুরিক্, ১০ চতুষ্পদা প্রস্তারপঙ্ক্তিঃ।
স য এবং বিদ্বান্ ক্ষীরমুপসিচ্যোপহরতি ।১।
যাবদগ্নিষ্টোমেনেষ্ট্বা সুসমৃদ্ধেনাবরুন্ধে তাবদেনেনাব রুন্ধে ।২। ৪০॥
স য এবং বিদ্বান্ত্সর্পিরুপসিচ্যোপহরতি ।৩।
যাবদতিরাত্রেণেষ্ট্বা সুসমৃদ্ধেনাবরুন্ধে তাবদেনেনাব রুন্ধে ।৪। ৪১॥
স য এবং বিদ্বান্ মধূপসিচ্যোপহরতি ।৫।
যাবৎ সত্ত্রসদ্যেনেষ্ট্বা সুসমৃদ্ধেনাবরুন্ধে তাবদেনেনাব রুন্ধে ।৬। ৪২॥
স য এবং বিদ্বান্ মাংসমুপসিচ্যোপহরতি ।৭।
যাবদ্ দ্বাদশাহেনেষ্ট্বা সুসমৃদ্ধেনাবরুন্ধে তাবদেনেনাব রুন্ধে ।৮। ৪৩॥
স য এবং বিদ্বানুদকমুপসিচ্যোপহরতি ।৯।
প্রজানাং প্রজননায় গচ্ছতি প্রতিষ্ঠাং প্রিয়ঃ প্রজানাং ভবতি য এবং বিদ্বানুদকমুপসিচ্যোপহরতি ।১০। ৪৪॥
(৫)
৪৫-৪৮ (১-১০) ১ সাম্নী উষ্ণিক্, ২ পুর উষ্ণিক্, ৩ সাম্নী ভুরিগ্বৃহতী, ৪ ৬, ৯ সাম্নী অনুষ্টুপ্,
৫ ত্রিপদা নিচৃদ্বিষমা নাম গায়ত্রী, ৭ ত্রিপদা বিরাড্ বিষমা নাম গায়ত্রী, ৮ ত্রিপদা বিরাডনুষ্টুপ্।
তস্মা উষা হিঙ্কৃণোতি সবিতা প্র স্তৌতি ।১।
বৃহস্পতিরূর্জয়োদ্গায়তি ত্বষ্টা পুষ্ট্যা প্রতি হরতি বিশ্বে দেবা নিধনম্।২।
নিধনং ভূত্যাঃ প্রজায়াঃ পশূনাং ভবতি য এবং বেদ ।৩। ৪৫॥
তস্মা উদ্যন্ত্সূর্যো হিঙ্কৃণোতি সংগবঃ প্র স্তৌতি ।৪।
মধ্যন্দিন উদ্গায়ত্যপরাহ্ণঃ প্রতি হরত্যস্তংয়ন্ নিধনম্।
নিধনং ভূত্যাঃ প্রজায়াঃ পশূনাং ভবতি য এবং বেদ ।৫। ৪৬॥
তস্মা অভ্রো ভবন্ হিঙ্কৃণোতি স্তনয়ন্ প্র স্তৌতি ।৬।
বিদ্যোতমানঃ প্রতি হরতি বর্ষন্নুদ্গায়ত্যুদ্গৃহ্ণন্ নিধনম্।
নিধনং ভূত্যাঃ প্রজায়াঃ পশূনাং ভবতি য এবং বেদ ।৭।
অতিথীন্ প্রতি পশ্যতি হিঙ্কৃণোত্যভি বদতি প্র স্তৌত্যুদকং যাচত্যুদ্গায়তি ।৮। ৪৭॥
উপ হরতি প্রতি হরত্যুচ্ছিষ্টং নিধনম্।৯।
নিধনং ভূত্যাঃ প্রজায়াঃ পশূনাং ভবতি য এবং বেদ ।১০। ৪৮॥
(৬)
৪৯-৬২ (১-১৪) ১ আসুরী গায়ত্রী, ২ সাম্নী অনুষ্টুপ্, ৩,৫ ত্রিপদার্চী পঙ্ক্তিঃ, ৪ একপদা প্রাজাপত্যা গায়ত্রী,
৬-১১ আর্চী বৃহতী, ১২ একপদাঽঽসুরী জগতী, ১৩ যাজুষী ত্রিষ্টুপ্, ১৪ একপদাঽঽসুরী উষ্ণিক্।
যৎ ক্ষত্তারং হ্বয়ত্যা শ্রাবয়ত্যেব তৎ ।১। ৪৯॥
যৎ প্রতিশৃণোতি প্রত্যাশ্রাবয়ত্যেব তৎ ।২। ৫০॥
যৎ পরিবেষ্টারঃ পাত্রহস্তাঃ পূর্বে চাপরে চ প্রপদ্যন্তে চমসাধ্বর্যব এব তে ।৩। ৫১॥
তেষাং ন কশ্চনাহোতা ।৪। ৫২॥
যদ্ বা অতিথিপতিরতিথীন্ পরিবিষ্য গৃহানুপোদৈত্যবভৃথমেব তদুপাবৈতি ।৫। ৫৩॥
যৎ সভাগয়তি দক্ষিণাঃ সভাগয়তি যদনুতিষ্ঠত উদবস্যত্যেব তৎ ।৬। ৫৪॥
স উপহূতঃ পৃথিব্যাং ভক্ষয়ত্যুপহূতস্তস্মিন্ যৎ পৃথিব্যাং বিশ্বরূপম্ ।৭। ৫৫॥
স উপহূতোঽন্তরিক্ষে ভক্ষয়ত্যুপহূতস্তস্মিন্ যদন্তরিক্ষে বিশ্বরূপম্ ।৮। ৫৬॥
স উপহূতো দিবি ভক্ষয়ত্যুপহূতস্তস্মিন্ যদ্ দিবি বিশ্বরূপম্ ।৯। ৫৭॥
স উপহূতো দেবেষু ভক্ষয়ত্যুপহূতস্তস্মিন্ যদ্ দেবেষু বিশ্বরূপম্ ।১০। ৫৮॥
স উপহূতো লোকেষু ভক্ষয়ত্যুপহূতস্তস্মিন্য যল্লোকেষু বিশ্বরূপম্ ।১১। ৫৯॥
স উপহূত উপহূতঃ ।১২। ৬০॥
আপ্নোতীমং লোকমাপ্নোত্যমুম্ ।১৩। ৬১॥
জ্যোতিষ্মতো লোকান্ জয়তি য এবং বেদ ।১৪। ৬২॥

সম্পূর্ণ অধ্যায়