সূক্ত 97

97.1

যজ্ঞঃ ১-৫ অথর্বা। ইন্দ্রাগ্নী।ত্রিষ্টুপ্, ৫ ত্রিপদার্ষী ভুরিগ্গায়ত্রী, ৬ ত্রিপদা প্রাজাপত্যা বৃহতী, ৭ ত্রিপদা সাম্নী ভুরিগ্জগতী, ৮ উপরিষ্টাদ্বৃহতী।

যদদ্য ত্বা প্রয়তি যজ্ঞে অস্মিন্ হোতশ্চিকিত্বন্নবৃণীমহীহ।
ধ্রুবময়ো ধ্রুবমুতা শবিষ্ঠ প্রবিদ্বান্ যজ্ঞমুপ যাহি সোমম্ ॥১॥

97.2

সমিন্দ্র নো মনসা নেষ গোভিঃ সং সূরিভির্হরিবন্ত্সং স্বস্ত্যা।
সং ব্রহ্মণা দেবহিতং যদস্তি সং দেবানাং সুমতৌ যজ্ঞিয়ানাম্ ॥২॥

97.3

যানাবহ উশতো দেব দেবাংস্তান্ প্রেরয় স্বে অগ্নে সধস্থে ।
জক্ষিবাংসঃ পপিবাংসো মধূন্যস্মৈ ধত্ত বসবো বসূনি ॥৩॥

97.4

সুগা বো দেবাঃ সদনা অকর্ম য আজগ্ম সবনে মা জুষাণাঃ ।
বহমানা ভরমাণাঃ স্বা বসূনি বসুং ঘর্মং দিবমা রোহতানু ॥৪॥

97.5

যজ্ঞ যজ্ঞং গচ্ছ যজ্ঞপতিং গচ্ছ ।
স্বাং যোনিং গচ্ছ স্বাহা ॥৫॥

97.6

এষ তে যজ্ঞো যজ্ঞপতে সহসূক্তবাকঃ ।
সুবীর্যঃ স্বাহা ॥৬॥

97.7

বষড্ ঢুতেভ্যো বষডহুতেভ্যঃ ।
দেবা গাতুবিদো গাতুং বিত্ত্বা গাতুমিত ॥৭॥

97.8

মনসস্পত ইমং নো দিবি দেবেষু যজ্ঞম্।
স্বাহা দিবি স্বাহা পৃথিব্যাং স্বাহান্তরিক্ষে স্বাহা বাতে ধাং স্বাহা ॥৮॥