সূক্ত 76

76.1

গণ্ডমালাচিকিত্সা। ১-৬ অথর্বা। ১,২ অপচিদ্ভৈষজ্যং, ৩-৬ জায়ান্যঃ, ইন্দ্রঃ। অনুষ্টুপ্,

আ সুস্রসঃ সুস্রসো অসতীভ্যো অসত্তরাঃ ।
সে হোররসতরা লবণাদ্ বিক্লেদীয়সীঃ ॥১॥

76.2

যা গ্রৈব্যা অপচিতোঽথো যা উপপক্ষ্যাঃ ।
বিজাম্নি যা অপচিতঃ স্বয়ংস্রসঃ ॥২॥

76.3

যঃ কীকসাঃ প্রশৃণাতি তলীদ্যঽমবতিষ্ঠতি ।
নির্হাস্তং সর্বং জায়ান্যং যঃ কশ্চ ককুদি শ্রিতঃ ॥৩॥

76.4

পক্ষী জায়ান্যঃ পততি স আ বিশতি পূরুষম্।
তদক্ষিতস্য ভেষজমুভয়োঃ সুক্ষতস্য চ ॥৪॥

76.5

বিদ্ম বৈ তে জায়ান্য জানং যতো জায়ান্য জায়সে ।
কথং হ তত্র ত্বং হনো যস্য কৃণ্মো হবির্গৃহে ॥৫॥

76.6

ধৃষৎ পিব কলশে সোমমিন্দ্র বৃত্রহা শূর সমরে বসূনাম্।
মাধ্যন্দিনে সবন আ বৃষস্ব রয়িষ্ঠানো রয়িমস্মাসু ধেহি ॥৬॥