সূক্ত 73

73.1

ঘর্মঃ। ১-১১ অথর্বা। ঘর্মঃ, অশ্বিনৌ। ত্রিষ্টুপ্, ১, ৪, ৬ জগতী, ২ পথ্যাবৃহতী।

সমিদ্ধো অগ্নির্বৃষণা রথী দিবস্তপ্তো ঘর্মো দুহ্যতে বামিষে মধু ।
বয়ং হি বাং পুরুদমাসো অশ্বিনা হবামহে সধমাদেষু কারবঃ ॥১॥

সমিদ্ধো অগ্নিরশ্বিনা তপ্তো বাং ঘর্ম আ গতম্।
দুহ্যন্তে নূনং বৃষণেহ ধেনবো দস্রা মদন্তি বেধসঃ ॥২॥

স্বাহাকৃতঃ শুচির্দেবেষু যজ্ঞো যো অশ্বিনোশ্চমসো দেবপানঃ ।
তমু বিশ্বে অমৃতাসো জুষাণা গন্ধর্বস্য প্রত্যাস্না রিহন্তি ॥৩॥

যদুস্রিয়াস্বাহুতং ঘৃতং পয়োঽয়ং স বামশ্বিনা ভাগ আ গতম্।
মাধ্বী ধর্তারা বিদথস্য সত্পতী তপ্তং ঘর্মং পিবতং রোচনে দিবঃ ॥৪॥

তপ্তো বাং ঘর্মো নক্ষতু স্বহোতা প্র বামধ্বর্যুশ্চরতু পয়স্বান্।
মধোর্দুগ্ধস্যাশ্বিনা তনায়া বীতং পাতং পয়স উস্রিয়ায়াঃ ॥৫॥

উপ দ্রব পয়সা গোধুগোষমা ঘর্মে সিঞ্চ পয় উস্রিয়ায়াঃ ।
বি নাকমখ্যৎ সবিতা বরেণ্যোঽনুপ্রয়াণমুষসো বি রাজতি ॥৬॥

উপ হ্বয়ে সুদুঘাং ধেনুমেতাং সুহস্তো গোধুগুত দোহদেনাম্।
শ্রেষ্ঠং সবং সবিতা সাবিষন্নোঽভীঽদ্ধো ঘর্মস্তদু ষু প্র বোচৎ ॥৭॥

হিঙ্কৃণ্বতী বসুপত্নী বসূনাং বত্সমিচ্ছন্তী মনসা ন্যাগন্।
দুহামশ্বিভ্যাং পয়ো অঘ্ন্যেয়ং সা বর্ধতাং মহতে সৌভগায় ॥৮॥

জুষ্টো দমূনা অতিথির্দুরোণ ইমং নো যজ্ঞমুপ যাহি বিদ্বান্।
বিশ্বা অগ্নে অভিয়ুজো বিহত্য শত্রূয়তামা ভরা ভোজনানি ॥৯॥

অগ্নে শর্ধ মহতে সৌভগায় তব দ্যুম্নান্যুত্তমানি সন্তু ।
সং জাস্পত্যং সুয়মমা কৃণুষ্ব শত্রূয়তামভি তিষ্ঠা মহাংসি ॥১০॥

সূয়বসাদ্ ভগবতী হি ভূয়া অধা বয়ং ভগবন্তঃ স্যাম ।
অদ্ধি তৃণমঘ্ন্যে বিশ্বদানীং পিব শুদ্ধমুদকমাচরন্তী ॥১১॥