সূক্ত 50

50.1

বিজয়ঃ। ১-৯ অঙ্গিরাঃ ( কিতববধকামঃ)। ইন্দ্রঃ। অনুষ্টুপ্, ৩, ৭ ত্রিষ্টুপ্, ৪ জগতী, ৬ ভুরিক্ ত্রিষ্টুপ্।

যথা বৃক্ষমশনির্বিশ্বাহা হন্ত্যপ্রতি।
এবাহমদ্য কিতবানক্ষৈর্বধ্যাসমপ্রতি ॥১॥

50.2

তুরাণামতুরাণাং বিশামবর্জুষীণাম্।
সমৈতু বিশ্বতো ভগো অন্তর্হস্তং কৃতং মম ॥২॥

50.3

ঈডে অগ্নিং স্বাবসুং নমোভিরিহ প্রসক্তো বি চয়ৎ কৃতং নঃ ।
রথৈরিব প্র ভরে বাজয়দ্ভিঃ প্রদক্ষিণং মরুতাং স্তোমমৃধ্যাম্ ॥৩॥

50.4

বয়ং জয়েম ত্বয়া যুজা বৃতমস্মাকমংশমুদবা ভরেভরে ।
অস্মভ্যমিন্দ্র বরীয়ঃ সুগং কৃধি প্র শত্রূণাং মঘবন্ বৃষ্ণ্যা রুজ ॥৪॥

50.5

অজৈষং ত্বা সংলিখিতমজৈষমুত সংরুধম্।
অবিং বৃকো যথা মথদেবা মথ্নামি তে কৃতম্ ॥৫॥

50.6

উত প্রহামতিদীবা জয়তি কৃতমিব শ্বঘ্নী বি চিনোতি কালে।
যো দেবকামো ন ধনং রুণদ্ধি সমিৎ তং রায়ঃ সৃজতি স্বধাভিঃ ॥৬॥

50.7

গোভিষ্টরেমামতিং দুরেবাং যবেন বা ক্ষুধং পুরুহূত বিশ্বে ।
বয়ং রাজসু প্রথমা ধনান্যরিষ্টাসো বৃজনীভির্জয়েম ॥৭॥

50.8

কৃতং মে দক্ষিণে হস্তে জয়ো মে সব্য আহিতঃ ।
গোজিদ্ ভূয়াসমশ্বজিদ্ ধনংজয়ো হিরণ্যজিৎ ॥৮॥

50.9

অক্ষাঃ ফলবতীং দ্যুবং দত্ত গাং ক্ষীরিণীমিব ।
সং মা কৃতস্য ধারয়া ধনুঃ স্নাব্নেব নহ্যত ॥৯॥