সূক্ত 20

20.1

অনুমতিঃ। ১-৬ অথর্বা। অনুমতিঃ। ১-২ অনুষ্টুপ্, ৩ ত্রিষ্টুপ্, ৪ ভুরিক্, ৫ জগতী ৬ অতিশাক্বরীগর্ভা জগতী।

অন্বদ্য নোঽনুমতির্যজ্ঞং দেবেষু মন্যতাম্।
অগ্নিশ্চ হব্যবাহনো ভবতাং দাশুষে মম ॥১॥

20.2

অন্বিদনুমতে ত্বং মংসসে শং চ নস্কৃধি ।
জুষস্ব হব্যমাহুতং প্রজাং দেবি ররাস্ব নঃ ॥২॥

20.3

অনু মন্যতামনুমন্যমানঃ প্রজাবন্তং রয়িমক্ষীয়মাণম্।
তস্য বয়ং হেডসি মাপি ভূম সুমৃডীকে অস্য সুমতৌ স্যাম ॥৩॥

20.4

যৎ তে নাম সুহবং সুপ্রণীতেঽনুমতে অনুমতং সুদানু ।
তেনা নো যজ্ঞং পিপৃহি বিশ্ববারে রয়িং নো ধেহি সুভগে সুবীরম্ ॥৪॥

20.5

এমং যজ্ঞমনুমতির্জগাম সুক্ষেত্রতায়ৈ সুবীরতায়ৈ সুজাতম্।
ভদ্রা হ্যঽস্যাঃ প্রমতির্বভূব সেমং যজ্ঞমবতু দেবগোপা ॥৫॥

20.6

অনুমতিঃ সর্বমিদং বভূব যৎ তিষ্ঠতি চরতি যদু চ বিশ্বমেজতি ।
তস্যাস্তে দেবি সুমতৌ স্যামানুমতে অনু হি মংসসে নঃ ॥৬॥