সূক্ত 17

17.1

দ্রবিণার্থ প্রার্থনা। ১-৪ ভৃগুঃ। ধাতা, সবিতা, ৪ অগ্নিঃ, ত্বষ্টা, বিষ্ণুঃ। ১ ত্রিপদা আর্ষী গায়ত্রী, ২ অনুষ্টুপ্, ৩-৪ ত্রিষ্টুপ্।

ধাতা দধাতু নো রয়িমীশানো জগতস্পতিঃ ।
স নঃ পূর্ণেন যচ্ছতু ॥১॥

17.2

ধাতা দধাতু দাশুষে প্রাচীং জীবাতুক্ষিতাম্।
বয়ং দেবস্য ধীমহি সুমতিং বিশ্বরাধসঃ ॥২॥

17.3

ধাতা বিশ্বা বার্যা দধাতু প্রজাকামায় দাশুষে দুরোণে।
তস্মৈ দেবাঅমৃতং সং ব্যয়ন্তু বিশ্বে দেবা অদিতিঃ সজোষাঃ ॥৩॥

17.4

ধাতা রাতিঃ সবিতেদং জুষন্তাং প্রজাপতির্নিধিপতির্নো অগ্নিঃ ।
ত্বষ্টা বিষ্ণুঃ প্রজয়া সংররাণো যজমানায় দ্রবিণং দধাতু ॥৪॥