সূক্ত 115

115.1

পাপলক্ষণনাশনম্। ১-৪ অথর্বাঙ্গিরাঃ। সবিতা, জাতবেদাঃ। অনুষ্টুপ্, ২-৩ ত্রিষ্টুপ্।

প্র পতেতঃ পাপি লক্ষ্মি নশ্যেতঃ প্রামুতঃ পত ।
অয়স্ময়েনাঙ্কেন দ্বিষতে ত্বা সজামসি ॥১॥

115.2

যা মা লক্ষ্মীঃ পতয়ালূরজুষ্টাভিচস্কন্দ বন্দনেব বৃক্ষম্।
অন্যত্রাস্মৎ সবিতস্তামিতো ধা হিরণ্যহস্তো বসু নো ররাণঃ ॥২॥

115.3

একশতং লক্ষ্ম্যো৩মর্ত্যস্য সাকং তন্বাঽজনুষোঽধি জাতাঃ ।
তাসাং পাপিষ্ঠা নিরিতঃ প্র হিণ্মঃ শিবা অস্মভ্যং জাতবেদো নি যচ্ছ ॥৩॥

115.4

এতা এনা ব্যাকরং খিলে গা বিষ্ঠিতা ইব ।
রমন্তাং পুণ্যা লক্ষ্মীর্যাঃ পাপীস্তা অনীনশম্ ॥৪॥