সূক্ত 97

97.1

অভিভূর্বীরঃ -৩ অথর্বা। ১,৩ দেবাঃ, ২ মিত্রাবরুণৌ। ১ ত্রিষ্টুপ্, ২ জগতী, ৩ ভুরিক্।

অভিভূর্যজ্ঞো অভিভূরগ্নিরভিভূঃ সোমো অভিভূরিন্দ্রঃ ।
অভ্যহং বিশ্বাঃ পৃতনা যথাসান্যেবা বিধেমাগ্নিহোত্রা ইদং হবিঃ ॥১॥

97.2

স্বধাস্তু মিত্রাবরুণা বিপশ্চিতা প্রজাবৎ ক্ষত্রং মধুনেহ পিন্বতম্।
বাধেথাং দূরং নিরৃতিং পরাচৈঃ কৃতং চিদেনঃ প্র মুমুক্তমস্মৎ ॥২॥

97.3

ইমং বীরমনু হর্ষধ্বমুগ্রমিন্দ্রং সখায়ো অনু সং রভধ্বম্।
গ্রামজিতং গোজিতং বজ্রবাহুং জয়ন্তমজ্ম প্রমৃণন্তমোজসা ॥৩॥