সূক্ত 92

92.1

বাজী। ১-৩ অথর্বা। ইন্দ্রঃ, বাজী। ত্রিষ্টুপ্, ১ জগতী।

বাতরম্হা ভব বাজিন্ যুজ্যমান ইন্দ্রস্য যাহি প্রসবে মনোজবাঃ ।
যুঞ্জন্তু ত্বা মরুতো বিশ্ববেদস আ তে ত্বষ্টা পত্সু জবং দধাতু ॥১॥

92.2

জবস্তে অর্বন্ নিহিতো গুহা যঃ শ্যেনে বাত উত যোঽচরৎ পরীত্তঃ ।
তেন ত্বং বাজিন্ বলবান্ বলেনাজিং জয় সমনে পারয়িষ্ণুঃ ॥২॥

92.3

তনূষ্টে বাজিন্ তন্বং১ নয়ন্তী বামমস্মভ্যং ধাবতু শর্ম তুভ্যম্।
অহ্রুতো মহো ধরুণায় দেবো দিবীঽব জ্যোতিঃ স্বমা মিমীয়াৎ ॥৩॥