সূক্ত 88

88.1

ধ্রুবো রাজা। ১-৩ অথর্বা। ধ্রুবঃ। অনুষ্টুপ্, ৩ ত্রিষ্টুপ্।

ধ্রুবা দ্যৌর্ধ্রুবা পৃথিবী ধ্রুবং বিশ্বমিদং জগৎ।
ধ্রুবাসঃ পর্বতা ইমে ধ্রুবো রাজা বিশাময়ম্ ॥১॥

88.2

ধ্রুবং তে রাজা বরুণো ধ্রুবং দেবো বৃহস্পতিঃ ।
ধ্রুবং ত ইন্দ্রশ্চাগ্নিশ্চ রাষ্ট্রং ধারয়তাং ধ্রুবম্ ॥২॥

88.3

ধ্রুবোঽচ্যুতঃ প্র মৃণীহি শত্রূন্ছত্রূয়তোঽধরান্ পাদয়স্ব ।
সর্বা দিশঃ সংমনসঃ সধ্রীচীর্ধ্রুবায় তে সমিতিঃ কল্পতামিহ ॥৩॥