সূক্ত 83

83.1

ভৈষজ্যম্। ১-৪ ভগঃ। ২ সূর্যঃ, চন্দ্রমাঃ, ২ রোহিণী, ৩ রামায়ণী। অনুষ্টুপ্, ৪ একাবসানা দ্বিপদা নিচৃদার্চ্যনুষ্টুপ্।

অপচিতঃ প্র পতত সুপর্ণো বসতেরিব ।
সূর্যঃ কৃণোতু ভেষজং চন্দ্রমা বোঽপোচ্ছতু ॥১॥

83.2

এন্যেকা শ্যেন্যেকা কৃষ্ণৈকা রোহিণী দ্বে।
সর্বাসামগ্রভং নামাবীরঘ্নীরপেতন ॥২॥

83.3

অসূতিকা রামায়ণ্যঽপচিৎ প্র পতিষ্যতি ।
গ্লরিতঃ প্র পতিষ্যতি স গলুন্তো নশিষ্যতি ॥৩॥

83.4

বীহি স্বামাহুতিং জুষাণো মনসা স্বাহা মনসা যদিদং জুহোমি ॥৪॥