সূক্ত 58

58.1

যশঃ প্রাপ্তিঃ। ১-৩ অথর্বা (যশস্কামঃ)। বৃহস্পতিঃ, ১-২ ইন্দ্রঃ, দ্যাবাপৃথিবি, সবিতা, ৩ অগ্নিঃ, ইন্দ্রঃ, সোমঃ। ১ জগতী, ২ প্রস্তারপঙ্ক্তিঃ, ৩ অনুষ্টুপ্।

যশসং মেন্দ্রো মঘবান্ কৃণোতু যশসং দ্যাবাপৃথিবী উভে ইমে।
যশসং মা দেবঃ সবিতা কৃণোতু প্রিয়ো দাতুর্দক্ষিণায়া ইহ স্যাম্ ॥১॥

58.2

যথেন্দ্রো দ্যাবাপৃথিব্যোর্যশস্বান্ যথাপ ওষধীষু যশস্বতীঃ ।
এবা বিশ্বেষু দেবেষু বয়ং সর্বেষু যশসঃ স্যাম ॥২॥

58.3

যশা ইন্দ্রো যশা অগ্নির্যশাঃ সোমো অজায়ত ।
যশা বিশ্বস্য ভূতস্যাহমস্মি যশস্তমঃ ॥৩॥