সূক্ত 41

41.1

দীর্ঘায়ুঃপ্রাপ্তিঃ। ১-৩ ব্রহ্ম।১ চন্দ্রমাঃ, ২ সরস্বতী, ৩ দৈব্যা ঋষয়ঃ। ১ ভুরিক্, ২ অনুষ্টুপ্, ৩ ত্রিষ্টুপ্।

মনসে চেতসে ধিয় আকূতয় উত চিত্তয়ে ।
মত্যৈ শ্রুতায় চক্ষসে বিধেম হবিষা বয়ম্ ॥১॥

41.2

অপানায় ব্যানায় প্রাণায় ভূরিধায়সে ।
সরস্বত্যা উরুব্যচে বিধেম হবিষা বয়ম্ ॥২॥

41.3

মা নো হাসিষুর্ঋষয়ো দৈব্যা যে তনূপা যে নস্তন্বঽস্তনূজাঃ ।
অমর্ত্যা মর্ত্যাং অভি নঃ সচধ্বমায়ুর্ধত্ত প্রতরং জীবসে নঃ ॥৩॥