সূক্ত 17

17.1

গর্ভদৃংহণম্। ১-৪ অথর্বা। গর্ভদৃংহণম্, পৃথিবি। অনুষ্টুপ্।

যথেয়ং পৃথিবী মহী ভূতানাং গর্ভমাদধে।
এবা তে ধ্রিয়তাং গর্ভো অনু সূতুং সবিতবে ॥১॥

17.2

যথেয়ং পৃথিবী মহী দাধারেমান্ বনস্পতীন্।
এবা তে ধ্রিয়তাং গর্ভো অনু সূতুং সবিতবে ॥২॥

17.3

যথেয়ং পৃথিবী মহী দাধার পর্বতান্ গিরীন্।
এবা তে ধ্রিয়তাং গর্ভো অনু সূতুং সবিতবে ॥৩॥

17.4

যথেয়ং পৃথিবী মহী দাধার বিষ্ঠিতং জগৎ।
এবা তে ধ্রিয়তাং গর্ভো অনু সূতুং সবিতবে ॥৪॥