সূক্ত 1

1.1

অমৃতাসুঃ। ১-৯ বৃহদ্দিবোঽথর্বা। বরুণঃ। ত্রিষ্টুপ্, ৫ পরাবহতী ত্রিষ্টুপ্, ৭ বিরাট্, ৯ৎ ত্র্যবসানা ষট্-পদা অত্যষ্টিঃ।

ঋধঙ্মন্ত্রো যোনিং য আবভূবামতাসুর্বর্ধমানঃ সুজন্মা ।
অদব্ধাসুর্ভ্রাজমানোঽহেব ত্রিতো ধর্তা দাধার ত্রীণি ॥১॥

1.2

আ যো ধর্মাণি প্রথমঃ সসাদ ততো বপূংষি কৃণুষে পুরূণি ।
ধাস্যুর্যোনিং প্রথম আ বিবেশা যো বাচমনুদিতাং চিকেত ॥২॥

1.3

যস্তে শোকায় তন্বংঽ রিরেচ ক্ষরদ্ধিরণ্যং শুচয়োঽনু স্বাঃ ।
অত্রা দধেতে অমতানি নামাস্মে বস্ত্রাণি বিশ এরয়ন্তাম্ ॥৩॥

1.4

প্র যদেতে প্রতরং পূর্ব্যং গুঃ সদঃসদ আতিষ্ঠন্তো অজুর্যম্।
কবিঃ শুষস্য মাতরা রিহাণে জাম্যৈ ধুর্যং পতিমেরয়েথাম্ ॥৪॥

1.5

তদূ ষু তে মহৎ পৃথুজ্মন্ নমঃ কবিঃ কাব্যেন কৃণোমি ।
যৎ সম্যঞ্চাবভিয়ন্তাবভি ক্ষামত্রা মহী রোধচক্রে বাবৃধেতে ॥৫॥

1.6

সপ্ত মর্যাদাঃ কবয়স্ততক্ষুস্তাসামিদেকামভ্যংঽহুরো গাৎ।
আয়োর্হ স্কম্ভ উপমস্য নীডে পথাং বিসর্গে ধরুণেষু তস্থৌ ॥৬॥

1.7

উতামৃতাসুর্ব্রত এমি কৃন্বন্নসুরাত্মা তন্ব১স্তৎ সুমদ্গুঃ ।
উত বা শক্রো রত্নং দধাত্যূর্জয়া বা যৎ সচতে হবির্দাঃ ॥৭॥

1.8

উত পুত্রঃ পিতরং ক্ষত্রমীডে জ্যেষ্ঠং মর্যাদমহ্বয়ন্ত্স্বস্তয়ে ।
দর্শন্ নু তা বরুণ যাস্তে বিষ্ঠা আবর্ব্রততঃ কৃণবো বপূংষি ॥৮॥

1.9

অর্ধমর্ধেন পয়সা পৃণক্ষ্যর্ধেন শুষ্ম বর্ধসে অমুর ।
অবিং বৃধাম শগ্মিয়ং সখায়ং বরুণং পুত্রমদিত্যা ইষিরম্।
কবিশস্তান্যস্মৈ বপূংষ্যবোচাম রোদসী সত্যবাচা ॥৯॥