সূক্ত 1

1.1

১-৭ বেনঃ। বৃহস্পতিঃ, আদিত্যঃ। ত্রিষ্টুপ্ ২, ৫ পুরোঽনুষ্টুপ্। ব্রহ্মবিদ্যা।

ব্রহ্ম জজ্ঞানং প্রথমং পুরস্তাদ্ বি সীমতঃ সুরুচো বেন আবঃ ।
স বুধ্ন্যাঽউপমাঅস্য বিষ্ঠাঃ সতশ্চ যোনিমসতশ্চ বি ব ॥১॥

1.2

ইয়ং পিত্র্যা রাষ্ট্র্যেত্বগ্রে প্রথমায় জনুষে ভুবনেষ্ঠাঃ ।
তস্মা এতং সুরুচং হ্বারমহ্যং ঘর্মং শ্রীণন্তু প্রথমায় ধাস্যবে ॥২॥

1.3

প্র যো জজ্ঞে বিদ্বানস্য বন্ধুর্বিশ্বা দেবানাং জনিমা বিবক্তি ।
ব্রহ্ম ব্রহ্মণ উজ্জভার মধ্যান্নীচৈরুচ্চৈ স্বধা অভি প্র তস্থৌ ॥৩॥

1.4

স হি দিবঃ স পৃথিব্যা ঋতস্থা মহী ক্ষেমং রোদসী অস্কভায়ৎ।
মহান্ মহী অস্কভায়দ্ বি জাতো দ্যাং সদ্ম পার্থিবং চ রজ ॥৪॥

1.5

স বুধ্ন্যাদাষ্ট্র জনুষোঽভ্যগ্রং বৃহস্পতির্দেবতা তস্য সম্রাট্।
অহর্যচ্ছুক্রং জ্যোতিষো জনিষ্টাথ দ্যুমন্তো বি বসন্তু বিপ্রা ॥৫॥

1.6

নূনং তদস্য কাব্যো হিনোতি মহো দেবস্য পূর্ব্যস্য ধাম ।
এষ জজ্ঞে বহুভি সাকমিত্থা পূর্বে অর্ধে বিষিতে সসন্নু ॥৬॥

1.7

যোঽথর্বাণং পিতরং দেববন্ধুং বৃহস্পতিং নমসাব চ গছাৎ।
ত্বং বিশ্বেষাং জনিতা যথাস কবির্দেবো ন দভায়ৎ স্বধাবান্ ॥৭॥