সূক্ত 87

87.1

অধ্বর্যবোঽরুণং দুগ্ধমংশুং জুহোতন বৃষভায় ক্ষিতীনাম্।
গৌরাদ্ বেদীয়াং অবপানমিন্দ্রো বিশ্বাহেদ্ যাতি সুতসোমমিচ্ছন্ ॥১॥

যদ্ দধিষে প্রদিবি চার্বন্নং দিবেদিবে পীতিমিদস্য বক্ষি ।
উত হৃদোত মনসা জুষাণ উশন্নিন্দ্র প্রস্থিতান্ পাহি সোমান্ ॥২॥

জজ্ঞানঃ সোমং সহসে পপাথ প্র তে মাতা মহিমানমুবাচ ।
এন্দ্র পপ্রাথোর্ব১ন্তরিক্ষং যুধা দেবেভ্যো বরিবশ্চকর্থ ॥৩॥

যদ্ যোধয়া মহতো মন্যমানান্ সাক্ষাম তান্ বাহুভিঃ শাশদানান্।
যদ্ বা নৃভির্বৃত ইন্দ্রাভিয়ুধ্যাস্তং ত্বয়াজিং সৌশ্রবসং জয়েম ॥৪॥

প্রেন্দ্রস্য বোচং প্রথমা কৃতানি প্র নূতনা মঘবা যা চকার ।
যদেদদেবীরসহিষ্ট মায়া অথাভবৎ কেবলঃ সোমো অস্য ॥৫॥

তবেদং বিশ্বমভিতঃ পশব্যং১ যৎ পশ্যসি চক্ষসা সূর্যস্য ।
গবামসি গোপতিরেক ইন্দ্র ভক্ষীমহি তে প্রয়তস্য বস্বঃ ॥৬॥

বৃহস্পতে যুবমিন্দ্রশ্চ বস্বো দিব্যস্যেশাথে উত পার্থিবস্য ।
ধত্তং রয়িং স্তুবতে কীরয়ে চিদ্ যূয়ং পাত স্বস্তিভিঃ সদা নঃ ॥৭॥