সূক্ত 74

74.1

যচ্চিদ্ধি সত্য সোমপা অনাশস্তা ইব স্মসি ।
আ তূ ন ইন্দ্র শংসয় গোষ্বশ্বেষু শুভ্রিষু সহস্রেষু তুবীমঘ ॥১॥

শিপ্রিন্ বাজানাং পতে শচীবস্তব দংসনা ।
আ তূ ন ইন্দ্র শংসয় গোষ্বশ্বেষু শুভ্রিষু সহস্রেষু তুবীমঘ ॥২॥

নি ষ্বাপয়া মিথূদৃশা সস্তামবুধ্যমানে ।
আ তূ ন ইন্দ্র শংসয় গোষ্বশ্বেষু শুভ্রিষু সহস্রেষু তুবীমঘ ॥৩॥

সসন্তু ত্যা অরাতয়ো বোধন্তু শূর রাতয়ঃ ।
আ তূ ন ইন্দ্র শংসয় গোষ্বশ্বেষু শুভ্রিষু সহস্রেষু তুবীমঘ ॥৪॥

সমিন্দ্র গর্দভং মৃণ নুবন্তং পাপয়ামুয়া।
আ তূ ন ইন্দ্র শংসয় গোষ্বশ্বেষু শুভ্রিষু সহস্রেষু তুবীমঘ ॥৫॥

পতাতি কুণ্ডৃণাচ্যা দূরং বাতো বনাদধি ।
আ তূ ন ইন্দ্র শংসয় গোষ্বশ্বেষু শুভ্রিষু সহস্রেষু তুবীমঘ ॥৬॥

সর্বং পরিক্রোশং জহি জম্ভয়া কৃকদাশ্বঽম্।
আ তূ ন ইন্দ্র শংসয় গোষ্বশ্বেষু শুভ্রিষু সহস্রেষু তুবীমঘ ॥৭॥