সূক্ত 12

12.1

(১-৭) ১-৬ বসিষ্ঠঃ, ৭ অত্রিঃ। ইন্দ্রঃ। ত্রিষ্টুপ্।

উদু ব্রহ্মাণ্যৈরত শ্রবস্যেন্দ্রং সমর্যে মহয়া বসিষ্ঠ ।
আ যো বিশ্বানি শবসা ততানোপশ্রোতা ম ঈবতো বচাংসি ॥১॥

12.2

অয়ামি ঘোষ ইন্দ্র দেবজামিরিরজ্যন্ত যচ্ছুরুধো বিবাচি ।
নহি স্বমায়ুশ্চিকিতে জনেষু তানীদংহাংস্যতি পর্ষ্যস্মান্ ॥২॥

12.3

যুজে রথং গবেষণং হরিভ্যামুপ ব্রহ্মাণি জুজুষাণমস্থুঃ ।
বি বাধিষ্ট স্য রোদসী মহিত্বেন্দ্রো বৃত্রাণ্যপ্রতী জঘন্বান্ ॥৩॥

12.4

আপশ্চিৎ পিপ্যু স্তর্যো৩ ন গাবো নক্ষন্নৃতং জরিতারস্ত ইন্দ্র ।
যাহি বায়ুর্ন নিয়ুতো নো অচ্ছা ত্বং হি ধীভির্দয়সে বি বাজান্ ॥৪॥

12.5

তে ত্বা মদা ইন্দ্র মাদয়ন্তু শুষ্মিণং তুবিরাধসং জরিত্রে।
একো দেবত্রা দয়সে হি মর্তানস্মিন্ছূর সবনে মাদয়স্ব ॥৫॥

12.6

এবেদিন্দ্রং বৃষণং বজ্রবাহুং বসিষ্ঠাসো অভ্যর্চন্ত্যর্কৈঃ ।
স ন স্তুতো বীরবদ্ ধাতু গোমদ্ যূয়ং পাত স্বস্তিভিঃ সদা নঃ ॥৬॥

12.7

ঋজীষী বজ্রী বৃষভস্তুরাষাট্ছুষ্মী রাজা বৃত্রহা সোমপাবা ।
যুক্ত্বা হরিভ্যামুপ যাসদর্বাঙ্ মাধ্যংদিনে সবনে মত্সদিন্দ্রঃ ॥৭॥