সূক্ত 17

17.1

সুরক্ষা। ১-১০ অথর্বা। মন্ত্রোক্তাঃ। জগতী, ৫, ৭, ১০ অতিজগতী, ৬ ভুরিক্, ৯ পঞ্চপদাঽতিশক্বরী।

অগ্নির্মা পাতু বসুভিঃ পুরস্তাৎ তস্মিন্ ক্রমে তস্মিংছ্রয়ে তাং পুরং প্রৈমি ।
স মা রক্ষতু স মা গোপায়তু তস্মা আত্মানং পরি দদে স্বাহা ॥১॥

17.2

বায়ুর্মান্তরিক্ষেণৈতস্যা দিশঃ পাতু তস্মিন্ ক্রমে তস্মিংছ্রয়ে তাং পুরং প্রৈমি ।
স মা রক্ষতু স মা গোপায়তু তস্মা আত্মানং পরি দদে স্বাহা ॥২॥

17.3

সোমো মা রুদ্রৈর্দক্ষিণায়া দিশঃ পাতু তস্মিন্ ক্রমে তস্মিংছ্রয়ে তাং পুরং প্রৈমি ।
স মা রক্ষতু স মা গোপায়তু তস্মা আত্মানং পরি দদে স্বাহা ॥৩॥

17.4

বরুণো মাদিত্যৈরেতস্যা দিশঃ পাতু তস্মিন্ ক্রমে তস্মিংছ্রয়ে তাং পুরং প্রৈমি ।
স মা রক্ষতু স মা গোপায়তু তস্মা আত্মানং পরি দদে স্বাহা ॥৪॥

17.5

সূর্যো মা দ্যাবাপৃথিবীভ্যাং প্রতীচ্যা দিশঃ পাতু তস্মিন্ ক্রমে তস্মিংছ্রয়ে তাং পুরং প্রৈমি ।
স মা রক্ষতু স মা গোপায়তু তস্মা আত্মানং পরি দদে স্বাহা ॥৫॥

17.6

আপো মৌষধীমতীরেতস্যা দিশঃ পান্তু তাসু ক্রমে তাসু শ্রয়ে তাং পুরং প্রৈমি ।
তা মা রক্ষন্তু তা মা গোপায়ন্তু তাভ্য আত্মানং পরি দদে স্বাহা ॥৬॥

17.7

বিশ্বকর্মা মা সপ্তঋষিভিরুদীচ্যা দিশঃ পাতু তস্মিন্ ক্রমে তস্মিংছ্রয়ে তাং পুরং প্রৈমি ।
স মা রক্ষতু স মা গোপায়তু তস্মা আত্মানং পরি দদে স্বাহা ॥৭॥

17.8

ইন্দ্রো মা মরুত্বানেতস্যা দিশঃ পাতু তস্মিন্ ক্রমে তস্মিংছ্রয়ে তাং পুরং প্রৈমি ।
স মা রক্ষতু স মা গোপায়তু তস্মা আত্মানং পরি দদে স্বাহা ॥৮॥

17.9

প্রজাপতির্মা প্রজননবান্ত্সহ প্রতিষ্ঠায়া ধ্রুবায়া দিশঃ পাতু তস্মিন্ ক্রমে তস্মিংছ্রয়ে তাং পুরং প্রৈমি ।
স মা রক্ষতু স মা গোপায়তু তস্মা আত্মানং পরি দদে স্বাহা ॥৯॥

17.10

বৃহস্পতির্মা বিশ্বৈর্দেবৈরূর্ধ্বায়া দিশঃ পাতু তস্মিন্ ক্রমে তস্মিংছ্রয়ে তাং পুরং প্রৈমি ।
স মা রক্ষতু স মা গোপায়তু তস্মা আত্মানং পরি দদে স্বাহা ॥১০॥