সূক্ত 15

15.1

অভয়ম্। ১-৬ অথর্বা। ১-৪ ইন্দ্রঃ, মন্ত্রোক্তাঃ। ত্রিষ্টুপ্, ১ পথ্যাবৃহতী, ২, ৫ জগতী, ৩ বিরাট্ পথ্যাপঙ্ক্তিঃ।

যত ইন্দ্র ভয়ামহে ততো নো অভয়ং কৃধি ।
মঘবংছগ্ধি তব ত্বং ন ঊতিভির্বি দ্বিষো বি মৃধো জহি ॥১॥

15.2

ইন্দ্রং বয়মনূরাধং হবামহেঽনু রাধ্যাস্ম দ্বিপদা চতুষ্পদা ।
মা নঃ সেনা অররুষীরুপ গুর্বিষূচীরিন্দ্র দ্রুহো বি নাশয় ॥২॥

15.3

ইন্দ্রস্ত্রাতোত বৃত্রহা পরস্ফানো বরেণ্যঃ ।
স রক্ষিতা চরমতঃ স মধ্যতঃ স পশ্চাৎ স পুরস্তান্নো অস্তু ॥৩॥

15.4

উরুং নো লোকমনু নেষি বিদ্বান্ত্স্ব১র্যজ্জ্যোতিরভয়ং স্বস্তি।
উগ্রা ত ইন্দ্র স্থবিরস্য বাহূ উপ ক্ষয়েম শরণা বৃহন্তা ॥৪॥

15.5

অভয়ং নঃ করত্যন্তরিক্ষমভয়ং দ্যাবাপৃথিবী উভে ইমে।
অভয়ং পশ্চাদভয়ং পুরস্তাদুত্তরাদধরাদভয়ং নো অস্তু ॥৫॥

15.6

অভয়ং মিত্রাদভয়মমিত্রাদভয়ং জ্ঞাতাদভয়ং পুরো যঃ ।
অভয়ং নক্তমভয়ং দিবা নঃ সর্বা আশা মম মিত্রং ভবন্তু ॥৬॥