সূক্ত 1

1.1

অভ্যুদয়ায় প্রার্থনা। ১-৩০ ব্রহ্মা। আদিত্যঃ। ১ জগতী; ১-৮ ত্র্যবসানা; ১-৩ অতিজগতী; ৬-৭, ১৯ অত্যষ্টিঃ; ৮, ১১, ১৬ অতিধৃতিঃ; ৯ পঞ্চপদা শক্বরী; ১০-১৩, ১৬, ১৮-১৯, ২৪ ত্র্যবসানা; ১০ অষ্টপদা ধৃতিঃ; ১২ কৃতিঃ; ১৩ প্রকৃতিঃ; ১৪-১৫ পঞ্চপদা শক্বরী; ১৭ পঞ্চপদা বিরাডতিশক্বরী; ১৮ ভুরিগষ্টিঃ; ২৪ বিরাডত্যষ্টিঃ; ১-৫ ষট্-পদা; ১১-১৩,১৬,১৮-১৯,২৪ সপ্তপদা; ২০ ককুপ্; ২১ চতুষ্পদা উপরিষ্টাদ্বৃহতী; ২২ যাজুষী অনুষ্টুপ্; ২৩ নিচৃদ্ বৃহতী (২২-২৩ দ্বিপদা) ; ২৫-২৬ অনুষ্টুপ্; ২৭, ৩০জগতী; ২৮-২৯ ত্রিষ্টুপ্।

বিষাসহিং সহমানং সাসহানং সহীয়াংসম্।
সহমানং সহোজিতং স্বর্জিতং গোজিতং সংধনাজিতম্।
ঈড্যং নাম হ্ব ইন্দ্রমায়ুষ্মান্ ভূয়াসম্ ॥১॥

1.2

বিষাসহিং সহমানং সাসহানং সহীয়াংসম্।
সহমানং সহোজিতং স্বর্জিতং গোজিতং সংধনাজিতম্।
ঈড্যং নাম হ্ব ইন্দ্রং প্রিয়ো দেবানাং ভূয়াসম্ ॥২॥

1.3

বিষাসহিং সহমানং সাসহানং সহীয়াংসম্।
সহমানং সহোজিতং স্বর্জিতং গোজিতং সংধনাজিতম্।
ঈড্যং নাম হ্ব ইন্দ্রং প্রিয়ঃ প্রজানাং ভয়াসম্ ॥৩॥

1.4

বিষাসহিং সহমানং সাসহানং সহীয়াংসম্।
সহমানং সহোজিতং স্বর্জিতং গোজিতং সংধনাজিতম্।
ঈড্যং নাম হ্ব ইন্দ্রং প্রিয়ঃ পশূনাং ভূয়াসম্ ॥৪॥

1.5

বিষাসহিং সহমানং সাসহানং সহীয়াংসম্।
সহমানং সহোজিতং স্বর্জিতং গোজিতং সংধনাজিতম্।
ঈড্যং নাম হ্ব ইন্দ্রং প্রিয়ঃ সমানানাং ভূয়াসম্ ॥৫॥

1.6

উদিহ্যুদিহি সূর্য বর্চসা মাভ্যুদিহি ।
দ্বিষংশ্চ মহ্যং রধ্যতু মা চাহং দ্বিষতে রধং তবেদ্ বিষ্ণো বহুধা বীর্যাঽনি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥৬॥

1.7

উদিহ্যুদিহি সূর্য বর্চসা মাভ্যুদিহি ।
যাংশ্চ পশ্যামি যাংশ্চ ন তেষু মা সুমতিং কৃধি তবেদ্ বিষ্ণো বহুধা বীর্যাঽনি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥৭॥

1.8

মা ত্বা দভন্ত্সলিলে অপ্স্ব১ন্তর্যে পাশিন উপতিষ্ঠন্ত্যত্র ।
হিত্বাশস্তিং দিবমারুক্ষ এতাং স নো মৃড সুমতৌ তে স্যাম তবেদ্ বিষ্ণো বহুধা বীর্যাঽনি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥৮॥

1.9

ত্বং ন ইন্দ্র মহতে সৌভগায়াদব্ধেভিঃ পরি পাহ্যক্তুভিস্তবেদ্ বিষ্ণো বহুধা বীর্যাঽনি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥৯॥

1.10

ত্বং ন ইন্দ্রোতিভিঃ শিবাভিঃ শংতমো ভব ।
আরোহংস্ত্রিদিবং দিবো গৃণানঃ সোমপীতয়ে প্রিয়ধামা স্বস্তয়ে তবেদ্ বিষ্ণো বহুধা বীর্যাঽণি।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥১০॥

1.11

ত্বমিন্দ্রাসি বিশ্বজিৎ সর্ববিৎ পুরুহূতস্ত্বমিন্দ্র ।
ত্বমিন্দ্রেমং সুহবং স্তোমমেরয়স্ব স নো মৃড সুমতৌ তে স্যাম তবেদ্ বিষ্ণো বহুধা বীর্যাঽণি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥১১॥

1.12

অদব্ধো দিবি পৃথিব্যামুতাসি ন ত আপুর্মহিমানমন্তরিক্ষে ।
অদব্ধেন ব্রহ্মণা বাবৃধানঃ স ত্বং ন ইন্দ্র দিবি সংছর্ম যচ্ছ তবেদ্ বিষ্ণো বহুধা বীর্যাঽণি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥১২॥

1.13

যা ত ইন্দ্র তনূরপ্সু যা পৃথিব্যাং যান্তরগ্নৌ যা ত ইন্দ্র পবমানে স্বর্বিদি ।
যয়েন্দ্র তন্বা৩ঽন্তরিক্ষং ব্যাপিথ তয়া ন ইন্দ্র তন্বা৩শর্ম যচ্ছ তবেদ্ বিষ্ণো বহুধা বীর্যাঽণি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥১৩॥

1.14

ত্বামিন্দ্র ব্রহ্মণা বর্ধয়ন্তঃ সত্রং নি ষেদুরঋষয়ো নাধমানাস্তবেদ্ বিষ্ণো বহুধা বীর্যাঽণি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥১৪॥

1.15

ত্বং তৃতং ত্বং পর্যেষ্যুত্সং সহস্রধারং বিদথং স্বর্বিদং তবেদ্ বিষ্ণো বহুধা বীর্যাঽণি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥১৫॥

1.16

ত্বং রক্ষসে প্রদিশশ্চতস্রস্ত্বং শোচিষা নভসী বি ভাসি ।
ত্বমিমা বিশ্বা ভুবনানু তিষ্ঠস ঋতস্য পন্থামন্বেষি বিদ্বাংস্তবেদ্ বিষ্ণো বহুধা বীর্যাঽণি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥১৬॥

1.17

পঞ্চভিঃ পরাঙ্ তপস্যেকয়ার্বাঙশস্তিমেষি সুদিনে বাধমানস্তবেদ্ বিষ্ণো বহুধা বীর্যাঽণি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥১৭॥

1.18

ত্বমিন্দ্রস্ত্বং মহেন্দ্রস্ত্বং লোকস্ত্বং প্রজাপতিঃ ।
তুভ্যং যজ্ঞো বি তায়তে তুভ্যং জুহ্বতি জুহ্বতস্তবেদ্ বিষ্ণো বহুধা বীর্যাঽণি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥১৮॥

1.19

অসতি সৎ প্রতিষ্ঠিতং সতি ভূতং প্রতিষ্ঠিতম্।
ভূতং হ ভব্য আহিতং ভব্যং ভূতে প্রতিষ্ঠিতং তবেদ্ বিষ্ণো বহুধা বীর্যাঽণি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥১৯॥

1.20

শুক্রোঽসি ভ্রাজোঽসি ।
স যথা ত্বং ভ্রাজতা ভ্রাজোঽস্যেবাহং ভ্রাজতা ভ্রাজ্যাসম্ ॥২০॥

1.21

রুচিরসি রোচোঽসি ।
স যথা ত্বং রুচ্যা রোচোঽস্যেবাহং পশুভিশ্চ ব্রাহ্মণবর্চসেন চ রুচিষীয় ॥২১॥

1.22

উদ্যতে নম উদায়তে নম উদিতায় নমঃ ।
বিরাজে নমঃ স্বরাজে নমঃ সম্রাজে নমঃ ॥২২॥

1.23

অস্তংয়তে নমোঽস্তমেষ্যতে নমোঽস্তমিতায় নমঃ ।
বিরাজে নমঃ স্বরাজে নমঃ সম্রাজে নমঃ ॥২৩॥

1.24

উদগাদয়মাদিত্যো বিশ্বেন তপসা সহ।
সপত্নান্ মহ্যং রন্ধয়ন্ মা চাহং দ্বিষতে রধং তবেদ্ বিষ্ণো বহুধা বীর্যাঽণি ।
ত্বং নঃ পৃণীহি পশুভির্বিশ্বরূপৈঃ সুধায়াং মা ধেহি পরমে ব্যোঽমন্ ॥২৪॥

1.25

আদিত্য নাবমারুক্ষঃ শতারিত্রাং স্বস্তয়ে ।
অহর্মাত্যপীপরো রাত্রিং সত্রাতি পারয় ॥২৫॥

1.26

সূর্য নাবমারুক্ষঃ শতারিত্রাং স্বস্তয়ে ।
রাত্রিং মাত্যপীপরোঽহঃ সত্রাতি পারয় ॥২৬॥

1.27

প্রজাপতেরাবৃতো ব্রহ্মণা বর্মণাহং কশ্যপস্য জ্যোতিষা বর্চসা চ ।
জরদষ্টিঃ কৃতবীর্যো বিহায়াঃ সহস্রায়ুঃ সুকৃতশ্চরেয়ম্ ॥২৭॥

1.28

পরীবৃতো ব্রহ্মণা বর্মণাহং কশ্যপস্য জ্যোতিষা বর্চসা চ ।
মা মা প্রাপন্নিষবো দৈব্যা যা মা মানুষীরবসৃষ্টাঃ বধায় ॥২৮॥

1.29

ঋতেন গুপ্ত ঋতুভিশ্চ সর্বৈর্ভূতেন গুপ্তো ভব্যেন চাহম্।
মা মা প্রাপৎ পাপ্মা মোত মৃত্যুরন্তর্দধেঽহং সলিলেন বাচঃ ॥২৯॥

1.30

অগ্নির্মা গোপ্তা পরি পাতু বিশ্বতঃ উদ্যন্ত্সূর্যো নুদতাং মৃত্যুপাশান্।
ব্যুচ্ছন্তীরুষসঃ পর্বতা ধ্রুবাঃ সহস্রং প্রাণা ময্যা যতন্তাম্ ॥৩০॥